Gɛlaɠaa 20:24 - Yálá laawoo hɛɓɛ (dc)

²⁴ Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Yálá laawoo hɛɓɛ

²⁴ Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Bible

²⁴ Kɛ́lɛ, mɛni-ŋai ŋí dɔnɔ kpîŋ fa ńii sɛ̀lɛŋ, kpaa máŋ ŋá ŋáfulu-laai siɣe a gbanaŋɔɔ ŋ́gbîŋ mɛni ma. Fɛ̂ɛ nɔ́ ŋa Ɣâla ŋɔtíi kpɛ́ɛ nyíi ŋa zɔlɔ ƃo Kúnuu-namui Zîsɛ yêei, a gɛ́ɛ ŋa Ɣâla ŋɔƃɛlɛ-seei maa tuŋ lɛ́lɛɛi maa sêre-faa kɛ́.

Gɛlaɠaa 20:24 ပူးပေါင်းရင်းမြစ်များ

Kɔlɔnikɔ Maa-ŋuŋ 11:18

Gɔkuláá haaɓai tii nɛɛ mą, di pili Filisti nuą di wɔ kɔ́ ɓuwui la, də li, ɲálɔwai ŋɛ̨i kɛ Bɛtleɛmə daa kpala, di da haɠa di paa la Davidə pɔ. Kɛlaa, hvo gɛ hvo da kpələ, ə bu nɔi ɓa, ə gulɔ Yai-Laa ɓa a haláá.

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Ɉaan 17:4

Ŋą́ą́ Ə́ mąąwiɛ yɛnɛ̨ɛ̨ nuą ɲɛ̨i ɓa, gólói Ə́ dóó mą ŋą́ą́ gɛ.

Gɛlaɠaa 1:17

Ɉudasə tii ə kɛ a gu ta. Gwa diɛni kəlee ɓə di gólói ŋɛ̨i tɛɛ gu pɔ.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 13:25

Ɛlɛɛ, ɓɛlɔwai Ɉaan ə kɛli pa ɲee laa kulɔi la gɛ kóló ɓa, ə kɛli kɛ diɛ: ‹Nui gaa ká kwəi, káá kɛ ya ɓaa a ɲą́ą́, və́ a mąą nui ti. Kɛlaa, mąą nu kaa búlú yɛ pa, ɲą́ą́ ŋɛ̨i, mą́ą́ hvo kpɛli nɛ̨ɛ̨li a gɔwɔɲą kɔ́lɔ yɛli hvólóonmun.›

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 15:7

Di ɉuyala kpɔ di kee lɔwai a nwalawalaa, yili ɓə gɛ, Piɛrə ə bələ həɠə yɛ diɛ: «Nąn nonnii, ka kili kaa ɉu káá kɛ, Yálá ə ɉə́ɠə́ ɉu ka lɔwai a gɔwɔ tɔɔ yələ, ə gɛ, huwu takpɛliɠaa diɛ pɛli nwəlɛɛ lɛlɛɛ mɛ̨n ɉii ná, ɛlɛɛ, diɛ gaa a tɛ̨ą.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 11:6

Kɛlaa akɛ ɲɛ̨imąąwɛli kaa ɓə ə di həɠə la ɉu, di túwɔ́ pələ mąą mɛ̨nį hvəə. Akɛ yili hvəə, ɲɛ̨imąąwɛli kaa ti hvo kani a ɲɛ̨imąąwɛli kaa.

Lomaŋ 4:4

Nui a kólo kɛ, a vɛla hɔlɔɓo, vɛlai ti hvo a mɛ̨inɛ̨ɛ̨, yili kaa a nwɔ hvɛ̨nɛ̨yá hvɛla.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Korɛntə veelɛ 4:12

Bələ lɔ ɓə, haa a gɛ kolo kɛ la ku hu, kɛlaa, yɛnɛ̨ɛ̨ yɛ nwɛi kɛ ká hu.

Korɛntə veelɛ 5:8

A tɛ̨ą, ku hvaŋąlɔɔi lɔ a yələ kəlee, ɛlɛɛ, ku kaa kɛa bɔ ku kulɔ gɔlɔi ŋɛ̨i hu, gwəli ku hee gu Ną́mu kwɛlɛ.

Korɛntə veelɛ 7:4

Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Galatə 1:1

Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Ifisiɛŋ 3:13

Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Filipə 2:17

Ɉaláái ká wɔɔ laa na laa a gulɔ, da pɔ tíɓo, akɛ, naa kulɔ hɛn mąą a ɲą́mą, ŋą́ hvaa mą, ŋą́ dɛɛ ká pɔ, a gwə́inɛ̨ɛ̨.

Filipə 2:30

Mąąhɔlɔɓo, ɉaai ə lɛɛ tiikpə Kristə nwɔ kólói mąą mɛ̨nį ə gbɔwɔ kulɔ a haláá, ə gɛ, ɉɛn kɛ ka hva pɛli ɉəɠəi ka hvo paa la bɔ́, ə paa la.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Tɛsalonikə dɔlɔɔ 3:3

əgɛ, nu ta hu hvo pa pu mą, háákələi mɔ̨nɔ̨ɠaa ŋɛ̨i hu, gbala ə tɔɔ, ká kili kaa ɉu káá, yili ɓə naa gu tɔwɔ.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Taitɔ 1:3

a yai, guui ə ɉee, ɲələ ə ɉəli lɔ, ə nwoo too pono ɲą, wɛlɛɛ woo hu, yai di galihvaɓo mą́ą́, yɛ bələi gu ɓalo Yálá ə kɛ la bɔ,

Taitɔ 2:11

Mąąhɔlɔɓo, Yálá ŋą mɛ̨inɛ̨ɛ̨ aa too pono ɲą, yai a nu kan gəlee ɓalo mɛ̨nį nwun gulɔi.

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.