Gɛlaɠaa 2:43 - Yálá laawoo hɛɓɛ (dc)

⁴³ Ɲɔw ə kɛ nu kəlee hu, gbala ə tɔɔ, gbalo mɛ̨nįɠaa da kwəi pilimąą mɛ̨nįɠaa gɛlaɠaa di kɛi gɛ, mąą mɛ̨nį ɓa.

Yálá laawoo hɛɓɛ

⁴³ Ɲɔw ə kɛ nu kəlee hu, gbala ə tɔɔ, gbalo mɛ̨nįɠaa da kwəi pilimąą mɛ̨nįɠaa gɛlaɠaa di kɛi gɛ, mąą mɛ̨nį ɓa.

Bible

⁴³ Yao è pà núu kélee pɔ́. Mɛni kpaya-kpaya támaa da ŋɛi kɛ́-maa-ŋa dí kɛ̀ zia-ƃelai sârai.

Gɛlaɠaa 2:43 ပူးပေါင်းရင်းမြစ်များ

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Markə 16:17

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Lukə 8:37

Nąąlɔwai, Ɉeraseni lɔi hu nuą kəlee di mo Jesus ɓa, diɛ mą: «Həɠə ɓɛ kuɔ lɔi hu.» Mąąhɔlɔɓo, nuą tii di ɲɔw kpɔ kɛnɛ̨. Jesus ə pənə ə tɛ gələn ɉu, yɛ li.

Ɉaan 14:12

A tɛ̨ą kpɔ-kpɔ gáá moi kaa, nui a laa ná, mɛ̨nįɠaa ŋɛ̨i gáá gɛi, mąą nu a pɛli yili kɛi, ə lɛɛ a damąą kɛ ə kɛnɛ̨ ə tɛɛ yiiɠaai gáá gɛi ma. Mąąhɔlɔɓo, gáá lii Ną́n Yálá pɔ.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Gɛlaɠaa 4:33

Kɛlaa, hɛn nɔpee kɛ di yəi, gəlee pɛlɛ kɛ gee ɓa. Gɛlaɠaai di kɛi Nąmu Jesus nwun mɛ̨nį həli a huwalawala; Yálá yɛ lúwɔ́ too di kəlee diɛ kpɔ a ɉu kɛnɛ̨.

Gɛlaɠaa 5:5

Nwooɠaa ti mɛ̨n Ananiasə ə mo, ə too, ə haa. Nuą kpɔ mɛ̨nįi ti mɛ̨n, ɲɔw kɛnɛ̨ ə too di hu.

Gɛlaɠaa 9:34

Piɛrə yɛ mą: «Ene! Jesus Kristə aa ə́ ɓalo, ə́ muhəɠə, ə́ ə́ wɔɔ haɠai gbinįn.» Ɲąąɓa, Ene ə muhəɠə.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.