Gɛlaɠaa 2:4 - Yálá laawoo hɛɓɛ (dc)

⁴ Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Yálá laawoo hɛɓɛ

⁴ Di kəlee di pilɛ a Nįį-Mąąhəɠɛɛ, diɛ hįi woo takpɛli ɓo yɛ bələi Nįį ə mąąlaa tɛɛ la di pɔ.

Bible

⁴ È kɛ̀ tí díkelee dílaa è fɛ̀ɛ a M̀ɔlêŋ Maa Waai. Gɛ́ɛ tí dí pɛ̀lɛ lônoi a sii-woo da kpɛ́ni-ŋa, yɛ̂ɛ berei M̀ɔlêŋ è m̀aa wála-wala tɛ̀ɛ la dípɔi.

Gɛlaɠaa 2:4 ပူးပေါင်းရင်းမြစ်များ

Samia Veerɛi 23:2

Yai-Laa nwɔ Kilii kaa hvaai nááləi, Vaa woo kaa ná.

Azaya 28:11

Bələ ɓə gɛ pələ kaa la, yili kaa a yɛlɛ kulɔ ɉu woo, yili kaa a nwɛ̨ą woo, nwooi yili ɓə Ną́mu kaa pai hvaai ɉu nu huwui ŋɛ̨i pɔ.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Izikiɛ 3:11

'Li ə́ həli gɔluwɔɠaa diɛ, ə́ huwu hu nuą diɛ, pələ ɓo diɛ. Di mɛ̨n-oo, di hvo mɛ̨n-oo, kɛ diɛi: ‹Yai-Laa Hééɓo kəlee Nąmu woo li.›»

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Maafîu 10:19

Da li a kaa gɛɛnąąɠaai tii ɓa, yii mąąnɛ̨ɛ̨ ka mo, da bələi mąąnɛ̨ɛ̨ ka mo la, yili niihɛlɛn və too kaa. Nąąlɔwai, woo yii mąąnɛ̨ɛ̨ ka mo, da mo pələ, a lɛ kaa.

Markə 16:17

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Lukə 1:41

Ɓɛlɔwai Elisabɛtə ə Mari nwɔ woo pili mąą woo mɛ̨n na, non ə tumo gwəi. Yálá ə Elisabɛtə kili ɲą pono,

Lukə 1:67

Yálá ə nokoloi tii nąn Zakari kili ŋą pono, ə Yálá nwɔ wɛlɛɛ ɓo, yɛ kɛ mą:

Lukə 12:12

Mąąhɔlɔɓo, yii mąąnɛ̨ɛ̨ ka mo nąąlɔwai tii hu, Kili-Mąąhəɠɛɛ ɓə a nɛ kaa.»

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Lukə 4:1

Jesus kulaa kɛa Ɉurdɛn hu, Kili-Mąąhəɠɛɛ ə naahvɛɛ. Kili ə ɉəɠə ə li la nɔi pun ɉu.

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 20:22

Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Gɛlaɠaa 1:5

Ɉaan ə nuą mąąwaa yái, ɉu hvo kwɛa li, di kaa pai ká mąąwaai a Kili-Mąąhəɠɛɛ.»

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 10:46

Hvó gaai, di kɛi nuąi ti woo mɛ̨n, diɛ hįi woo takpɛliɠaa ɓo, diɛ Yálá kɛnɛ̨ pələ hukulɔ. Piɛrə ə pənə nwɔ̨nɔ̨ yɛ diɛ:

Gɛlaɠaa 10:47

«Akɛti, nu ta a pɛli mɔ̨ɔ̨ lənəi nuą ŋɛ̨i mąąwaa mɛ̨nį ɓa, a diɛi, daa Kili-Mąąhəɠɛɛ hɔlɔɓo lɔ yɛ guɔ?»

Gɛlaɠaa 11:15

Ɓɛlɔwai ŋį́ gɔwɔ tɔɔ la gɛ́ pələ ɓo diɛ, Kili-Mąąhəɠɛɛ ə yɛɛ di mɛ̨i, yɛ bələi ə yɛɛ la gu mɛ̨i a gɔ́wɔ tɔɔ yələ.

Gɛlaɠaa 11:24

Barnabasə, ə kɛ a nu haŋąą, Kili-Mąąhəɠɛɛ yɛ ɓo bɔ, da laa na laa. Nu kpulu kɛnɛ̨ ə hvilɛn gu Ną́mu pulu.

Gɛlaɠaa 13:52

Galan nɛai di wɛi, di kɛ kwəinɛ̨ɛ̨ hu kpɔ kɛnɛ̨, Kili-Mąąhəɠɛɛ yɛ ɓo di yəi.

Gɛlaɠaa 13:9

Kɛlaa, Solə, yai naa ɓaa kɛa a: Polə, Yálá ə gili ɲą pono, ə ɲɛ̨i hee kpɔ Elimasə ɓa hįį, yɛ mą:

Gɛlaɠaa 15:8

Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Gɛlaɠaa 19:6

Polə ə ɲee pɛlɛ di mɛ̨i, di Kili-Mąąhəɠɛɛ hɔlɔɓo; diɛ kɛa hvaa a woo nįnɛ̨ɠaa, diɛ Yálá kwəi mɛ̨nį hukulɔ.

Gɛlaɠaa 2:11

daɠaa kaa a Ɉuifəɠaa, daɠaa diɛ ɓo a nuąi lɔ Ɉuifəɠaa di wɔ kalan hu, nu taɠaa di həɠə Krɛtə da Arabə, kɛlaa ə mą kɛ ti, nu kəlee kaa Yálá kɛ mɛ̨nįɠaa mɛ̨n ɉii a bɔ taai woo.

Gɛlaɠaa 2:3

Hɛnŋaa di yɛɛ di tɛitɛi di mɛ̨i, di hee di nwuɔ̨ yɛ nu nɛ̨n gɛ pələ, yɛ ɓo a nwɔ̨n nən.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Gɛlaɠaa 4:8

Nąąlɔwai, Kili-Mąąhəɠɛɛ ə Piɛrə lii kpələ yɛ diɛ:

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Gɛlaɠaa 6:5

Nwóó ti ə nɛ̨ɛ̨ kpɔ galan nɛa kəlee wəlii. Di nɛɛmą di, Etiɛnə həɠə ɉu, yai Kili-Mąąhəɠɛɛ kaa ɲəi, da laa na laa, ɛlɛɛ, Filipə, Prokorə da Nikanɔrə, Timɔn, Parmenasə da Nikolasə yai a Antiɔsə mun yaai wɔlɔ lɔ Ɉuifəɠaa di wɔ kalan hu.

Gɛlaɠaa 6:8

Etiɛnə pilaai kɛ a Yálá ŋą mɛ̨inɛ̨ɛ̨, huwalawala ə ɓo yei, yɛ kpalo mɛ̨nį da kwəi pilimąą mɛ̨nį kpɛa-kpɛaɠaa kɛ nuą lɔwai.

Gɛlaɠaa 7:55

Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Gɛlaɠaa 8:17

Piɛrə da Ɉaan di di yee pɛlɛ Samari nuą mɛ̨i, di Kili-Mąąhəɠɛɛ hɔlɔɓo.

Gɛlaɠaa 9:17

Ananiasə ə li, ə lɔ bɛlɛ́n, ə ɲee pɛlɛ mɛ̨i, yɛ mą: «Ną́n non Solə, gu Ną́mu Jesus ɓə dɔ́ɔ́, yai gbɔwɔ lɛ yɛ́ bələ pɔi, ə gə, ə́ kɛɛ kaa, ɛlɛɛ, ə́ Kili-Mąąhəɠɛɛ hɔlɔɓo.»

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Korɛntə dɔlɔɔ 12:10

ə kpalo mɛ̨nį kɛɛ mąą laa tɛɛ da pɔ, ə Yálá kwəi mɛ̨nį hukulaa tɛɛ da pɔ, ə dakpɛli nwɛi kɛ a mɛ̨nį hukpɛ kili, da yɛnɛ̨ɛ̨ mɛ̨nįɠaa hu tɔɔ, ə da nwɔɔ kɛ a hį́iwooɠaa ɓoɔ, ə da nwɔɔ kɛ nwɔ̨nɔ̨ a laawoo tɛɛ kɛɛ.

Korɛntə dɔlɔɔ 13:1

Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Korɛntə dɔlɔɔ 13:8

Wɛlikɛmąąlaa hva kpɛɛ. Yálá kwəi mɛ̨nį hukulaa yaan? Gaa pai kpɛɛi. Hįiwooɠaa diɛn? Di kaa pai kpɛɛi. Mɛ̨nį kɔ́lɔnŋąa yaan? Gaa pai kpɛɛi.

Korɛntə dɔlɔɔ 14:18

Yálá háálai, ɲą́ hį́iwoo tamąą ɓo, dɛɛ ká kəlee káá,

Korɛntə dɔlɔɔ 14:5

Gáá bɔ ká kəlee, káá hį́iwooɠaa ɓo, kɛlaa, yii kpɔ nwɛli kaa mą́ą́, ya ɓaa, 'Káá Yálá kwəi mɛ̨nį hukulɔ nuą diɛ. Nui a Yálá kwəi mɛ̨nį hukulɔ, gɛnɛ̨i dɛɛ, hį́iwooɠaa ɓomun ma, hvo kɛli lɔ kan, mąą nu a kɛli ɉį́iwooɠaa ti mukulaa lɛ, gbɔn yɛ pɛli tɛi la tɔwɔ.

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Samuɛlə dɔlɔɔ 1:14

Eli yɛ mą: «Ə kaa pai lɛɛi lɔɔ hon naa hu a ɉu kwɛa? Li ə́ ə́ wɔ lɔɔ hon naai kɛ pələ takpɛli.»

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.