Gɛlaɠaa 2:23 - Yálá laawoo hɛɓɛ (dc)

²³ Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Yálá laawoo hɛɓɛ

²³ Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Bible

²³ Dí gɔ̀lɛ yɛ̂ɛ berei Ɣâla è gbɛtɛ la gíli ŋái, ka gɛ ŋ̀wana-lɔɔ-ƃela dí gbamo wúru su-tíyeŋɔɔ ma dí bàa,

Gɛlaɠaa 2:23 ပူးပေါင်းရင်းမြစ်များ

Zɛnɛse 50:20

Ka kɛ bɔ ka mɛ̨nį ɲɔ̨n gɛ a ɲą́ą́, kɛlaa, Yálá ə mɛ̨nį ɲɔ̨n tii mąą pənə a nɛlɛɛ, ə gɛ, nu kpulu tamąą ə ɓalo, yɛ pələi kaa kpinįi kaa gaa la háákələi.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Maafîu 27:35

Di nɛ̨ɛ̨mą di Jesus kpanwo kolɔwa ɓa. Di mąą həɠəɠaa həɠə di ŋąąkwɛlɛ, di nwɔ həɠə muhəɠəi kɔ́ a kpɛ̨ɛ̨n.

Markə 15:24

Gɔ́kulááɠaa di Jesus kpanwo kolɔwa ɓa. Di nwɔ həɠəɠaai ŋąą kpɛlɛ a kpɛɛn biliɛ.

Lukə 22:22

Tɛ̨ą li, Nu Lon kaa pai haai yɛ bələi bɛ̨ɛ̨ la nwuɔ̨. Kɛlaa, nui pai nąą lɛi, mąą nu nɛ̨ŋɛ̨n naai!»

Lukə 22:37

Mąąhɔlɔɓo, gáá moi kaa, mɛ̨nįi ŋɛ̨i di bɛ̨ɛ̨ yɛ hvilɛn na mą́ą́, mąąnɛ̨ɛ̨ ə kɛ, yai di kɛ la diɛ: ‹Da mɛ̨nį ɲɔ̨n gɛ nuą di di tɔɔi kɛ tanɔ̨n.› Mɛ̨nįɠaai hvilɛn mą́ą́, bɔ mɛ̨nį kaa kɛi.»

Lukə 23:33

Ɓɛlɔwai kɛa di həli la gɛɛnąą ŋɛ̨i da kɛ mą: nwun gonon ɲee ɓa, di nu haaɓai tii kpanwo kolɔwa ɓa. Jesus ə lɛɛ di hąmąi.

Lukə 24:20

Kuɔ ɉala laa həli nuą kpɛa-kpɛaa da ɲɛ̨itɔwɔ nuą di dɛŋɛn gwɛlɛ, di mąą ɲąbalɔ, əgɛ, di gbanwo kolɔwa ɓa.

Ɉaan 19:18

Nąą ɓə di gbanwo laa kolɔwa ɓa, da mɛ̨nį ɲɔ̨n gɛ nuą hveelɛ, dɔ̨nɔ̨ ə ɓo ɲee yiihu, dɔ̨nɔ̨ ə ɓo ɲee yiihu.

Ɉaan 19:24

Ɉolahiɠaa diɛ di kee ɓa: «Mąą hvo nɛ̨ɛ̨li gu hvo ɉu ɓɛla, kɛlaa, ka gu gɔ́ a kpɛɛn.» Yili ə kɛ tii ə gɛ, mɛ̨nįi Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Di mą́ą́ həɠəɠaa ɲąąkwɛlɛ di kee lɔwai, Di nwɔ́ həɠə muhəɠəi kɔ́ a kpɛɛn.» Bələ ɓə gɔ́kulááɠaa di gɛ la.

Gɛlaɠaa 13:27

Kɛlaa yaamun Ɉerusalɛmə nuą da ɲɛ̨itɔwɔ nuą, di hvo Jesus kɔ́lɔn ni, di baa. Yálá kwəi mɛ̨nį hukulɔ nuą wooɠaai da moi a vįitɔɔ yələ tɛitɛi, diɛ di pɔ mɛ̨nį kɛ la tii.

Gɛlaɠaa 15:18

A gwəi kiliɠaa ti kɛ ə kɛ a di kɔlɔnŋąą wɔlɔ-wɔlɔ ɓa.›»

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Gɛlaɠaa 3:18

Kɛlaa, mɛ̨nį wɔlɔ Yálá ə mo Yálá kwəi mɛ̨nį hukulɔ nuą laaləi, ya ka ti bɔ mɛ̨nį aa kɛ; yaai ə kɛ mą: Nuą Nwun mąąɓomun Yálá ə naakwɛlanmo, hvo kɛli kɛ ə mɔ̨nɔ̨ mį́į́.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Gɛlaɠaa 5:30

Jesus ŋɛ̨i ka ɉon ka gbanwo kolɔwa ɓa, ə haa, ka nąnni pɔlɔɠaa di wɔɔ Yálá, ə gulɔ haaɓɛlaa lɔwai ə gɛ a vulú.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Lomaŋ 2:12

Nuąi di hvo Moisə nwɔ tɔ́n gɔlɔn, da nɛ̨ŋɛ̨n ɉəɠə, di nwun na a pili tɔ́n naa hva kɛ ɉu. Kɛlaa, nuąi Moisə nwɔ tɔ́n gɔlɔn da nɛ̨ŋɛ̨n ɉəɠə, dɔ́n ti ɓə a di kiti tee.

Lomaŋ 4:17

Yɛ bələi bɛ̨ɛ̨ la Ɉɛɓɛ́ hu, yɛ mą: «Ŋą́ą́ ə́ kɛ a huwu tamąą di nąn.» Abrahamə kaa a gu nąn Yálá ti ə laa na ɲɛ̨i ɓa, Yai a haa nuą kɛ a di vulú, hɛn hvo yɛnɛ̨ɛ̨ yɛ gɛ laa.

Tɛsalonikə dɔlɔɔ 2:15

a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.