Gɛlaɠaa 19:8 - Yálá laawoo hɛɓɛ (dc)

⁸ Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Yálá laawoo hɛɓɛ

⁸ Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Bible

⁸ Pɔ̂ɔ lɔ̀ Ŋ̀âla-fɛli-kerei mu é lóno naa kpɔ́ a lii-kpele pere ɣáloŋ saaƃa yée mu. È kɛ̀ sîa toôi gɛ́ Ɣâla ŋɔkâloŋ-laai maa lono kɛ̀.

Gɛlaɠaa 19:8 ပူးပေါင်းရင်းမြစ်များ

Gɛlaɠaa 1:3

Ɉaa pulu, a kulɔ haaɓɛlaa lɔwai, ə gbɔɔ lɛ nwɔ kɛlaɠaa diɛ a pələ huwu tamąą, hvóló pow nąąn ɲee mu, ə gɛ, di nwun mɛ̨nį kaa a tɛ̨ą, yɛ di kalan a Yálá ŋą tɔɔlaa mąą mɛ̨nį.

Gɛlaɠaa 13:14

Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Gɛlaɠaa 14:1

Ikoniumə daai kpɛlimąn, di nwɛlɛɛ tanɔ̨n ti laa həli lɔ laa; Polə da Barnabasə di lɔ Yálá hvɛli pɛlɛ́ɠaa mu, bələ ɓo pələi ti kɛ di yəi, Ɉuifəɠaa da nuąi di hvo a Ɉuifəɠaa, di laa Yálá la.

Gɛlaɠaa 17:17

Ə kɛli mɛ̨nįɠaa ɓo Ɉuifəɠaa, da Grɛkəɠaai kɛi kwɛli hvilɛn Yálá ɓa, diɛ, di wɔ Yálá hvɛli pɛlɛ́i mu; hvoló tɛitɛi yee mu, ə kɛi da ɓo nuąi pa laa diɛ.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:26

Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Gɛlaɠaa 18:4

Hvįįtɔɔ yələ həli pələ tɛitɛi, Polə ɓə pələ ə kɛ na Yálá hvɛli pɛlɛ́ mu; yɛ tɔɔ a nwąnąi, yɛ, Ɉuifəɠaa da Grɛkəɠaa di kiliŋą pono pələ kwɛli.

Gɛlaɠaa 19:10

Ə gɛ tii kwɛlan veelɛ yee mu. Gɛ pələi ti, nuą kpɔ kɛ Asi lɔi hu, ə kɛ a Ɉuifəɠaa, ə kɛ a Grɛkə, di pɛli gu Nąmu laawoo mɛ̨n ɉii.

Gɛlaɠaa 19:7

Da pɛli kɛ nu pow kɔ́w hveelɛ kulɔi.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.