Gɛlaɠaa 19:21 - Yálá laawoo hɛɓɛ (dc)

²¹ Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Yálá laawoo hɛɓɛ

²¹ Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Bible

²¹ M̀ɛni-ŋai ŋí kélee kpɛɛ́ pôlu ma, Pɔ̂ɔ è gbɛ̀tɛ gíli ŋá M̀ɔlêŋ su a gɛ́ɛ é tɛ́ɛ a Masadonia pere da Ɛkeya é lí Zerusâlɛŋ. È mò, ǹyɛɛ, “Ŋà kɛ̀ naa, ŋa pâi Luŋ kâai máŋ.”

Gɛlaɠaa 19:21 ပူးပေါင်းရင်းမြစ်များ

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Gɛlaɠaa 16:12

ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 18:21

Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Gɛlaɠaa 19:22

Polə ə mąą kpɔnmąą ɓo nuą hveelɛ tɛɛ: Timote da Erastə, diɛ li Masedoanə lɔi hu. Kɛlaa, nwɛi, ə lɛɛ Asi lɔi hu ə yíi kuu ta wolo kɛ laa.

Gɛlaɠaa 19:29

Gɛɛ tii, daa kəlee ə kɛ lɔ ɉuwu-ɉuwu, nuą di wɛan, di li a di kpulu ɓɛi di kɛli ɲąąkpɔn gɛ laa a bɔlɔ-pɔlɔ, di Gaiusə da Aristarkə hon a yee tɛɛ mąą laa, di li a diɛ, nu hveelɛi ti di kɛ a Masedoanə lɔi hu nuą, ɛlɛɛ, da Polə ni ɓə kɛ ɉiɛ hu.

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Gɛlaɠaa 20:22

Yiihu kɛa, gáá a Kili-Mąąhəɠɛɛ ŋą gaho nąmu, ɲą́ą́ ka lii Ɉerusalɛmə, mɛ̨nįi lii laai mą́ą́, və́ gɔlɔn.

Gɛlaɠaa 21:17

Ɓɛlɔwai ku həli la Ɉerusalɛmə, ku nąn nonnii di di yee hee ku mu a kwəinɛ̨ɛ̨.

Gɛlaɠaa 21:4

Ku laa na nuą kaa laa daai, kwa diɛni ku lɔwɔ tɔ̨nɔ̨ kɛ ku kee ɓa. Yálá ə nuą tii kili ɲa pono, di mo Polə ɓa diɛ mą: 'Hvó kɛ ə́ kaa lii Ɉerusalɛmə.

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 27:1

Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Gɛlaɠaa 28:16

Ɓɛlɔwai ku həli la Romə, di hvaa mą, Polə ə kɛ gbɔwɔ pɛlɛ́ mu, holahi tɔ̨nɔ̨ yɛ ɲɛ̨i kaa.

Lomaŋ 1:11

Mąąhɔlɔɓo, yii kpɔ nwɛli kaa mą́ą́, ya ɓaa ŋį́ pa ŋį́ ɲɛ̨́i tɔɔ kaa, ə gɛ, Yálá yəi mɛ̨inɛ̨ɛ̨i ə dɛɛ bɔ́ aa dɛɛ bɔ́, ŋį́ dɛɛ ka pɔ, ə ka huwalawala.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Lomaŋ 1:15

Yili ɓə gɛ, kaa ŋɛ̨i a Romə nuą, nwɛlɛɛ lɛlɛɛ laa həli mɛ̨nį kaa, mąą liihɛlɛn gaa la mą́ą́.

Korɛntə dɔlɔɔ 16:5

Gáá pai Masedoanə hu ɓɔi, gɛ́ pa ka pɔɔli.

Korɛntə dɔlɔɔ 4:19

Kɛlaa, ɉu hvo kwɛa li, gɛ́ pənə gɛ́ pa, gu Ną́mu a hvaa mą. Ɛlɛɛ, mələn nuą tii, və́ kɛli yii da mo-o, kɛlaa, bələi da túwɔ́ la, ŋį́ gbaɠala kaa.

Korɛntə veelɛ 10:16

Nwɛlɛɛ lɛlɛɛi ku naa həli ká pɔɔli, da ká kwɛlɛ lɔiɠaa kəlee hu, ku hvo ku ɲɛ̨i pono li nu takpɛliɠaa kɛ kóló mɛ̨i.

Galatə 2:1

Yili pulu, kwɛlan bow kɔw nąąn gulaa ɉu ɓə tɛɠa nwɔ̨nɔ̨ ŋą́ tɛ la Ɉerusalɛmə, kwa Barnabasə, ɛlɛɛ, Titə ə ɓo ku pɔ.

Tɛsalonikə dɔlɔɔ 1:7

Yili ɓa, káá kɛ kɛa a kɔ́ɔnmąą lɛlɛɛ, Masedoanə da Akaiə laa na nuą kəlee diɛ.