Gɛlaɠaa 19:13 - Yálá laawoo hɛɓɛ (dc)

¹³ Ɉuifə taɠaa di kɛi lɛa tɛɛ, diɛ ɲįnɛ̨nŋaa kpɛ nuą pulu. Di kɛ bɔ diɛ gɛ Jesus laa hu. Di kɛi kɛ ɲįnɛ̨nŋaai ti diɛ: «Jesus ŋɛ̨i Polə a kɛ mąą mɛ̨nį laa həli nuą diɛ, naa hu, ɲįnɛ̨n! 'Həɠə nui ŋɛ̨i pulu!»

Yálá laawoo hɛɓɛ

¹³ Ɉuifə taɠaa di kɛi lɛa tɛɛ, diɛ ɲįnɛ̨nŋaa kpɛ nuą pulu. Di kɛ bɔ diɛ gɛ Jesus laa hu. Di kɛi kɛ ɲįnɛ̨nŋaai ti diɛ: «Jesus ŋɛ̨i Polə a kɛ mąą mɛ̨nį laa həli nuą diɛ, naa hu, ɲįnɛ̨n! 'Həɠə nui ŋɛ̨i pulu!»

Bible

¹³ Zûu-ŋai da-ni dí kɛ̀ naa, nyíi-ŋai kɛ̀ nɔ́ kɛ̀ sia-siâi díkɛ nyînaŋ nyɔ́mɔɔ-ŋa kpɛ̀ nûa pôlui. Dí kɛ̀ kɔ̂i a gɛ́ɛ dí nyinaŋ kpɛ́ ǹûai pôlu Kúnuu-namui Zîsɛ láai su. Dí kɛ̀ môi ǹyînaŋ nyɔ́mɔɔ-ŋai, dîyɛɛ, “Ŋa íkpɛ Zîsɛ láai su, nyíi Pɔ̂ɔ a maa mɛni ƃoi.”

Gɛlaɠaa 19:13 ပူးပေါင်းရင်းမြစ်များ

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Mąątɛ̨nɛ̨ 109:10

Nonnii di kɛ a laatee lɛapɛlɛɛ, diɛ di kɔ̨nɔ̨n vɛli, nuą di di kpɛ, di wɔ pɛlɛ kpoloonŋaai mu.

Maafîu 12:27

Ka káá kɛi diɛ: Gáá ɲį́nɛ̨n gbɛi nuą pulu Beɛlzebulə laa hu. Akɛti, ka wɔ kalan nɛai diɛn, da gbɛ gbɛɛ laa hu? Diɛ kpinįi lɔ ɓə a ka kiti tee.

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Markə 9:38

Ɉaan ə mo Jesus ɓa, yɛ mą: «Ku nu ta kaa yɛ ɲinɛnŋąą kpɛ ə́ laa hu. Ku kɛ bɔ ku mo mą, ə kpəla mą. Mąąhɔlɔɓo, hvo a gu ta.»

Lukə 11:19

Akɛ, bələ ɓə gáá ɲį́nɛ̨nŋąa kpɛila, ka wɔ nuąi diɛn, gbɛɛ ɓə a huwalawala tɛɛ di pɔ diɛ ɲį́nɛ̨nŋąa kpɛ la? Ka wɔ nuą diɛ kpinį da pɛli di ka laa hɛa too yili hu.

Lukə 9:49

Ɉaan ə mo kɛa Jesus ɓa, yɛ mą: «Kalamɔ̨ɔ̨, ku nu ta kaa, yɛ ɲį́nɛ̨n gbɛ ə́ laa hu, ku kɛ bɔ, ku mo mą ə kpəla mą. Mąąhɔlɔɓo, hvo kɛ a ku ta.»

Gɛlaɠaa 19:14

Nuą ti kɛi mɛ̨nį kɛ, di kɛ a Ɉuifəɠaa di wɔ haláá laa həli mun gɛnɛ̨i ŋɛ̨i da kɛ mą: Skeva, non ɉinaa, di kɛ a nu mɛ̨iheelɛ.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Zasua 6:26

Volói tii di mɛ̨nį kɛ la, Ɉosue ə nɛ̨ŋɛ̨n naa Ɉeriko taa ɓa, yɛ mą: «Nui lɔpee pai muhəɠəi, yɛ kɛ gaa Ɉeriko taa ŋɛ̨i tɔɔi, mąą nu nɛ̨ŋɛ̨n naai Yai-Laa ɲɛ̨i ɓa; mąą nu a daa ŋɛ̨i wulu hvilɛn a non ɉulɔnu tɔlɔɔ, ə daa mąą kpɛ hįi gbon gɔwɔ hvilɛn a non ɉulɔnu veelɛnąą.»

Samuɛlə dɔlɔɔ 14:24

Israɛlə nuą di mɔ̨nɔ̨ mįi a mąą yələ, mąąhɔlɔɓo, Saulə ə nuą kpaan a nwoo ŋɛ̨i, yɛ diɛ: «Nui lɔpee a kɔ̨nɔ̨n gɔwɔn ə lɛɛ la ɉu yələ ə wulu, Yai-Laa ə mąą nu nɛ̨ŋɛ̨n naa, hvo kɛ li ŋą́ gbɛa nwą́ną kulɔ ɲɔ́woɠaa diɛ. Nui lɔpee ta hvo lɛɠɛ kɔ̨nɔ̨n ma.»