Gɛlaɠaa 18:6 - Yálá laawoo hɛɓɛ (dc)

⁶ Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Yálá laawoo hɛɓɛ

⁶ Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Bible

⁶ Dí tɔ̀ɔ Pɔ̂ɔ ma dí tɛ-ŋɛi kɛ́ la. È ŋɔseɣei kpúmuŋ, ǹyɛɛ diai, “Káŋãai mɛni é kɛ́ káa kpîŋ káŋûa! Ḿaa waâi. Ŋa pá liî Zɛ̃tai-ŋai pɔ́ pere.”

Gɛlaɠaa 18:6 ပူးပေါင်းရင်းမြစ်များ

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Tɔɔɓɛlaa dɔlɔɔ 2:33

Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Nehemi 5:13

Ə lɛɛ, ŋį́ nwɔ́ həɠəi hu kpɛŋɛn, gɛ́ diɛ: «Bələ ɓə, nui lɔpee a wala nwoo pɔ mɛ̨nį kɛ, Yálá kaa pai gbɛŋɛ̨n ɉii la, yɛ gulɔ ɲəi bɛlɛ́n, yɛ mąą kwɛa ɲəi hɛnŋąą diɛ. Bələ ɓə da mąą nu kpɛŋɛn na, diɛ nɛɛ a ɲee hvowolo.» Nu kpɔn gəlee diɛ mą: «Ə kɛ tii!» Ə lɛɛ, di Yai-Laa mąątɛ̨nɛ̨ di gɛ yɛ pələi di mo la.

Izikiɛ 18:13

Yɛ tɔ̨nɔ̨ kwɛli kwələ tɔɔ hu, yɛ tɔ̨nɔ̨ hɔlɔɓo a hulu, mąą lon a pɛli lɛɛi yɛnɛ̨ɛ̨? Hva lɛɛ yɛnɛ̨ɛ̨. Ə mɛ̨nį ɲɔ̨n ɉuwui tii kəlee kɛ, gaa pai haai ɉəɠə mąą hvo ɉu; ɲąmą wulu ə lɛɛ gbɔwɔ nwuɔ̨.

Izikiɛ 33:4

Nu ta a dúlú woo mɛ̨n a wala gilaa pɔ̨nɔ̨ mɛ̨nįi tii kaa a mɛ̨nį wala wala, gɔ́ a pa, mąą nu a lɛɛ ɉu, ɲąmą wulu a lɛɛ gbɔwɔ nwuɔ̨.

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Levetekɔ 20:9

«Nui a nąn a wala kɛ tii nee lalan, mąąnɛ̨ɛ̨ di baa. Ɲąmą wulu a lɛɛ gbɔwɔ nwuɔ̨, mąąhɔlɔɓo, aa nąn da nee di lalan.

Maafîu 10:14

Pɛlɛ́i lɔpee ka lɔ mu, da taa lɔpee ka tɛ ɉu; da lənə kaai, da wala di wəli tɔɔ ka woo ɓa, ka kulɔ mąą pɛlɛ́i mu, a wala kɛ tii, ka kulɔ mąą taai hu, ka ka kɔ́wɔ ɲą muluun gbɛŋɛ̨n ka nɛɛ laa.

Maafîu 21:41

Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 22:10

«Diɓo kɛ nuą di hɛgɛ də li gwəliɠaa lɔwai, nuą lɔpee di kɛi di kaa, nu lɛlɛɛ ma ə mą kɛ nu ɲɔ̨nwɔ, di kɛi di təli tɔɔmun nwɔ hɛli hu. Gəlee di pa di bɛlɛ́ laa hvɛɛ.

Maafîu 27:25

Nu kpului tii kəlee diɛ mą: «Ɲąmą wulu a lɛɛ ku nwuɔ̨ kwa ku lonnii.»

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Lukə 22:65

Di kɛi nwoo ɲɔ̨n damąą haa mą.

Lukə 9:5

Ɓɛi lɔpee da wala di yee hee laa ka mui, ka ka kɔ́wɔ ɓa muluun kpɛŋɛn ka nɛɛ laa, əgɛ, di gɔlɔn diɛ daa mɛ̨nį ɲɔ̨n gɛ.»

Gɛlaɠaa 13:51

Polə da mɛlan di di kɔ́wɔ ɓa muluun kpɛŋɛ̨n diɛ mɛ̨i, di tɛɛ diɛ li Ikoniumə.

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Timote dɔlɔɔ 5:22

'Hvó humo a ə́ yee pɛlɛɛ nu mɛ̨i ɉa, 'hvó ə́ yee too nu ta ŋą nɛ̨ŋɛ̨n ɉu, 'ə́ kpɔwɔ laahɔnmo mąąhəɠə laa hu.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.