Gɛlaɠaa 18:28 - Yálá laawoo hɛɓɛ (dc)

²⁸ Mąąhɔlɔɓo, nwɔ mɛ̨nį hukpɛ pələ, ə kɛli Ɉuifəɠaa laa pɛlɛ mą nu kəlee ɲɛ̨i ɓa; yɛ nɛ diɛ a Yálá lawoo hɛɓɛ́ hu wooɠaa yɛ kɛ: Jesus kaa a nwun mąąɓomun Yálá ə naakwɛlanmo.

Yálá laawoo hɛɓɛ

²⁸ Mąąhɔlɔɓo, nwɔ mɛ̨nį hukpɛ pələ, ə kɛli Ɉuifəɠaa laa pɛlɛ mą nu kəlee ɲɛ̨i ɓa; yɛ nɛ diɛ a Yálá lawoo hɛɓɛ́ hu wooɠaa yɛ kɛ: Jesus kaa a nwun mąąɓomun Yálá ə naakwɛlanmo.

Bible

²⁸ È sîa tòo kpɔ́ Zûu-ŋai lá a gbanaŋɔɔ gbɔŋ su. È nɛ̀ dîa Ŋ̀âla-kɔlɔi su a gɛ́ɛ Zîsɛ è kɛ̀ a Kôrai.

Gɛlaɠaa 18:28 ပူးပေါင်းရင်းမြစ်များ

Lukə 1:80

Nokoloi tii ə kɛi kɛnɛ̨, ə lɛɛ, kili yɛ ɓo mą kpɔ kɛnɛ̨, ɉu yɛ walawala. Ə lɛɛ ɲɛa lɔi pun ɉu, ə lɛɛ la ɉu hvo kɛli volói mąąnɛ̨ɛ̨ kɛ ə gbɔwɔ lɛ la Israɛlə nu huwu ɓa, ɲələ ə ɉəli.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Gɛlaɠaa 18:25

Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 8:35

Filipə ə gɔwɔ tɔɔ ɉɛɓɛ́i ti hu woo mɛ̨i, yɛ Jesus ŋą wɛlɛɛ woo lɛlɛɛ hukulɔ mą.

Gɛlaɠaa 9:22

Kɛlaa, Solə nwɛi, nwɔ liikpələ ta lɔ ɓə kɛli pɛlɛ mą, yɛ Damasə Ɉuifəɠaa woo pulu pənə a gɔw, yɛ nɛ diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.