Gɛlaɠaa 18:26 - Yálá laawoo hɛɓɛ (dc)

²⁶ Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Yálá laawoo hɛɓɛ

²⁶ Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Bible

²⁶ E nâa pɛ̀lɛ lônoi kpɔ́ a lii-kpele-pere Ŋ̀âla-fɛli-kerei mu. Tãi Akoila da Purisela dí nalôŋ ŋí wóo mɛ̀ni lai, dí zìɣe dí Ɣâla-mɛni lɛ́ mà a zã́a e tɛɛ berei ma è kɛ̀ a gɔ́lɔŋɔɔ lai.

Gɛlaɠaa 18:26 ပူးပေါင်းရင်းမြစ်များ

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Lukə 19:26

«Yɛ diɛ: ‹A tɛ̨ą gáá moi kaa, nui hɛn gaa ɲəi, da da pɛlɛ mą. Kɛlaa nui hɛn və ɲəi, yii woloi ɲəi, da gulɔ ɲəi.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Gɛlaɠaa 18:25

Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Gɛlaɠaa 19:8

Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Gɛlaɠaa 8:31

Yili ə nwoo ɲąąpənə yɛ mą: «Ŋą́ ɲąą kaa pələ kɛ ləi, gíliɲą ponomun və ɲə́i?» Yili pulu, yɛ Filipə ɓa: «'Tɛ́ ə́ hee gwɛ́lɛ.»

Korɛntə dɔlɔɔ 12:21

Ɲɛ̨i kɔ́w hva kɛ yee ɓa: «Mą́ą́ kpaan və yɛ», ə mą kɛ, nwun galən hva pɛli kɛi kɔ́wɔ ɓa: «Mą́ą́ kpaan və yɛ́.»

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 8:2

Kɛlaa nu a gbɔwɔ kaa yɛ mɛ̨nį kɔ́lɔn mun, a kɛ tii, hvo gɔlɔn yɛ bələi kɛ mąąnɛ̨ɛ̨ ə gɔlɔn na.

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!