Gɛlaɠaa 18:25 - Yálá laawoo hɛɓɛ (dc)

²⁵ Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Yálá laawoo hɛɓɛ

²⁵ Daa kɛ mąąkwɛli gu Ną́mu nwɔ pə́lə́i ɓa, ɛlɛɛ, kalan mɛ̨nį kɛ pələ níí hu, bələi mąn Ɉaan nwɔ Mąąwaa mɛ̨nį lɔ ɓə ə kɛ a gɔlɔnŋąą la, ə kɛli nuą mąąkwɛli, yɛ Jesus mąą mɛ̨nį hukulɔ kpɔ a ɉąŋąnŋąą.

Bible

²⁵ Dí mɛni támaa lɛ̀ nalôŋ ŋí ma e pîlaŋ Kúnuu-namui ŋɔperei ma. Ŋɔmɔ̂leŋ láa è kɛ̀ a vɛ́ɛ kpɔ́. Nya ƃe è lòno gɛ sɛŋ lɛ a zã́a e pîlaŋ la Zîsɛ maa mɛni-ŋai dîa, berei máŋ è kɛ̀ nɔ́ a Zɔ̂ŋ ŋɔbatâi maa mɛni kɔlɔŋɔɔ lai.

Gɛlaɠaa 18:25 ပူးပေါင်းရင်းမြစ်များ

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Mąątɛ̨nɛ̨ 119:1

Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Azaya 40:3

Woo ta kaa tɔɔi yɛ kɛ diɛ: 'Ka Yai-Laa nwɔ pələi pɛli, nɔi pun ɉu, 'ka bələ pɛlɛɛɠaa kəlee haŋą;

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Markə 1:3

Yili mąą nui tii ka tii nwoo kaa tɛi nɔi pun ɉu yɛ kɛ mą: ka Nąmu nwɔ pələi pɛli, ka nwɔ pələ pɛlɛɛɠaa kəlee haŋąn.»

Markə 12:14

Di pa diɛ mą: «Mąąkwɛli kɛmun, ku gɔlɔn kuɔ: ya tɛ̨ą ɓo. Hva ɲɔ̨w nuą di wɔ kiliŋąhiɛ ɓa, hva ə́ kiliŋąhiɛ nu nwɔ kɛnɛ̨ laa ɓa, yɛ́ nuą kalan a Yálá liiɓa, tɛ̨ą pələ mɛ̨i. Akɛti, gu wɔ tɔ́n a hvaa mą gu nįįhɔ̨nwɔ̨ kulɔ Sesarə ɓą, yaai gaa gu wɔ lɔi nwun na? Ku kaa bɔ, ə́ ku kilaa pono.»

Lukə 1:4

Ŋą́ yiliɠaai kɛ tii, əgɛ, mɛ̨nįɠaai di ə́ kalan na ə́ gaa a tɛ̨ą.

Lukə 7:29

Nuąi tii kəlee, ə mą kɛ nįįhɔ̨nwɔ̨ kulɔ nuą, di kɛi di wəli tɔɔ Ɉaan-Batistə woo ɓa. Di gɔlɔn gɛ diɛ: Yálá tələnmoɔi, di kɛi pa Ɉaan pɔ, əgɛ, ə di mąąwaa.

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Gɛlaɠaa 16:17

Nɛ̨ɛ̨nui ti ə hvilɛn kwa Polə ni ku pulu, yɛ tomą, yɛ kɛ mą: «Nuą ŋɛ̨i di kaa a yəlkɔlɔn ɉu Yálá nwɔ tínuą, di kaa nu ɓalo kpaalə lɛi káá.»

Gɛlaɠaa 18:26

Ə kɛli nuą kalan gwəi tɔ̨nɔ̨ mɛ̨i Yálá hvɛli pɛlɛ́ mu. Ɓɛlɔwai Prisilə da Akilasə di nwoo mɛ̨n na, di dəli, da diɛni di hee, di Yálá nwɔ pələi mąą mɛ̨nį hukulɔ kpɔ ma tɛhvɛ-tɛhvɛ.

Gɛlaɠaa 19:23

Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Gɛlaɠaa 19:3

Polə ə di mąąni kɛ yɛ diɛ: «Mąąwaa ləi ɓə kani ká ɉɔlɔɓo?» Di nwoo ɲąąpənə diɛ mą: «Ɉaan nwɔ mąąwaai ə kɛi gɛ, ya ɓə ku ɉɔlɔɓo.»

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Timote veelɛ 2:4

Nui da ɉon a holahi, hva bulu pələ mɛ̨nį niihɛlɛn ɉee, a kɛ, gaa bɔ, nui ɉon a holahi ə niihon.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Nwun mąąɓo 2:22

Bələ ɓə gáá pai Israɛlə hu kɔ́ɔn ɉii la, akɛ di kaa pai hvilɛn ɉii Yai-Laa pulu, yɛ bələi wɔlɔ di nąnni di gɛ la.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.