Gɛlaɠaa 18:24 - Yálá laawoo hɛɓɛ (dc)

²⁴ Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Yálá laawoo hɛɓɛ

²⁴ Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Bible

²⁴ Nya ƃe Zûu-naloŋ tɔnɔ da kâa dòli a Apolo, nyíi kɛ̀ a Alezaŋdura nuui, è pà Ɛfesɛ. È kɛ̀ kpɔ́ a lóno-nuu lɛ́lɛɛ, gɛ ƃo ŋɔ́nɔ a Ŋ̀âla-kɔlɔi kɔlɔŋɔɔ a ǹɛ́lɛɛ.

Gɛlaɠaa 18:24 ပူးပေါင်းရင်းမြစ်များ

Ɛsdrasə 7:12

«Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Lɛɛ gbɔwɔ ɓa 4:10

Moisə yɛ Yai-Laa ɓa: «Ną́mu nɛ̨ɛ̨ Yɛ́, náá wiai mą́ą́, va pɛli hvaai, háákələi mɛ̨nį hvəli, və́ wala nwóó hukulɔ, gbaɠala kaa Yɛ́, yili hvo gɔwɔ tɔɔ li a volói Ə́ kɛi hvaa la Ə́ wɔ tímun bɔ.»

Azaya 3:3

Yɛ ə kɛ a yala nąmu, yɛ ə kɛ a kalanɉon; yɛ ə kɛ a liɛwoo kɛmun, yɛ ə kɛ a ɲąmuątaa tɔlukpɛmun, ə mą kɛ, a pənən gɛmun.

Maafîu 13:52

Yili pulu, yɛ diɛ: «Tɔ́n galamɔ̨ɔ̨i lɔpee gilaa a pono Yálá-taa tɔɔlaa mąą mɛ̨nį hu, a ɲee hee mu, a kɛ yɛ: pɛlɛ́ nąmu ta, yaai, a hɛn nįnɛ̨ hɔlɔɓo, nwɔ hɛn gɔw pɔlɔi hu.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:21

Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Gɛlaɠaa 18:28

Mąąhɔlɔɓo, nwɔ mɛ̨nį hukpɛ pələ, ə kɛli Ɉuifəɠaa laa pɛlɛ mą nu kəlee ɲɛ̨i ɓa; yɛ nɛ diɛ a Yálá lawoo hɛɓɛ́ hu wooɠaa yɛ kɛ: Jesus kaa a nwun mąąɓomun Yálá ə naakwɛlanmo.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 27:6

Ku həliɛ laa ɉolahi nwun dɔ̨nɔ̨ nąmu ə Alɛsandri kələn da kaa laa yɛ li Itali pələ, ə ku tɛ ɉu.

Gɛlaɠaa 6:9

Kɛlaa, di lɔwai, galan gbɔn ti da kɛ mą: luwɔ pɔlɔɠaa, da Sirɛnə nuą Alɛsandri nuą Silisi ɛlɛɛ, Asi nuą, hvaa ə too Etiɛnə ni lɔwai.

Gɛlaɠaa 7:22

Di Moisə mąąkwɛli Eziptə nuą di wɔ kilikɛɲəilaa kəlee ɓa, ə kɛ a vaŋą kɛnɛ̨ɛ̨ nwooɠaa ti hu, da gɛmɛ̨nįɠaa.

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Korɛntə dɔlɔɔ 16:12

Yii ɓaa ną́n non Apɔlɔsə nwɛi, ŋą́ kɛ vaŋąlɔi a yələ kəlee, ə gɛ, ə pa ka pɔɔli, da gu nąn nonnii takpɛliɠaa, kɛlaa, hvo bɔ ni hvo pa laa yiihu. A lɔwai hɔlɔɓo, gaa pai həlii laa ka pɔɔli.

Korɛntə dɔlɔɔ 4:6

Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Korɛntə veelɛ 10:10

gbala ə tɔɔ, daɠaa da kɛ diɛ: Nwɔ hɛɓɛ́ɠaai hu woo walawalaai, dɛɛ, gbinį lee ɓa, a kɛ ku lɔwai, nwoo vaŋą hvo ɉu.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Taitɔ 3:13

Gɛ pələ kwɛli mąą, ə́ kpɔnmąą tɛɛ Ɉenasə pɔ, yai a giti-haɠa-ɓa mun da, di wɔ hiɛi hu da Apɔlɔsə, di yee ɲą hvo kpɛɛ.