Gɛlaɠaa 18:23 - Yálá laawoo hɛɓɛ (dc)

²³ Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Yálá laawoo hɛɓɛ

²³ Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Bible

²³ Gɛ́ɛ a tûa naai, è kùla naa é lí Galesia da Fagia-lɔii su gwaa kélee. E lì gwaa-ŋai ŋí ma tɛi-tɛi gɛ́ Zîsɛ ŋɔpôlu-ƃelai su kpanaŋ.

Gɛlaɠaa 18:23 ပူးပေါင်းရင်းမြစ်များ

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Danîa 11:1

«Misɛlə tii ɓə ɲą́ą́ gbɛli ŋą́ mąąkpɔn mąąɓo, Medi mun ŋɛ̨i da kɛ mą: Dariusə, nwɔ tɔɔlaai gwɛlan dɔlɔɔ hu.

Lukə 1:3

Yili ɓə gaa mą, ɲą́ą́ gbɛli, pələi lɔ di ɉukulɔ la, ə həɠə gɔɠɔ tɔɔ lɔwai ɓa, bələ lɔ ɓə ŋą ɉu kulaa lɛlɛɛ kwɛli la, əgɛ, ŋą bɛ̨ɛ̨ yɛ pələi kpɔlɔ ŋį́ mɛ̨n na, ŋą dɛɛ yɛ́.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Lukə 22:43

Nąąlɔwai, Yálá ə nwɔ malaka ta tɔɔ, yɛ vaŋąlɔ.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Gɛlaɠaa 16:40

Kulɔi Polə da Silasə di mo gaho pɛlɛ́ mu, di li Lidi yəi bɛlɛ́n. Galan nɛai kɛ laa, di di hvaŋąlɔ wooɠaa ɓo diɛ, di tɛɛ diɛ li.

Gɛlaɠaa 16:6

Polə da Silasə di Frizi lɔi da Galatə lɔi hu hiɛ, mąąhɔlɔɓo, Kili-Mąąhəɠɛɛ aa kɛ kpɛ̨ąn di tɔwɔ Yálá lawoo laa həli mɛ̨nį ɓa Asi lɔi hu.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 2:10

daɠaa di həɠə Frizi lɔi hu, Pamfili, Eziptə lɔi hu, daɠaa di həɠə, Sirenaikə Libi lɔi hu, daɠaa di həɠə Romə daai,

Korɛntə dɔlɔɔ 16:1

Yii hvilɛn na galan nɛa kpɔnmąą ɓo mɛ̨nį ɓa, káá mąn, kpaaləi ŋį́ nɛ Galatə kalan gbɔnŋaa diɛ, 'ká hvilɛn bulu.

Galatə 1:2

ɛlɛɛ, nąn nonnii kwa diɛni ku kaa ku kee pɔ, kuɔ ɓə ɉɛɓɛ́i ŋɛ̨i tɛɛi Yálá nwɔ Yálá ŋą kpɔnŋaai diɛ, diɛi di kaa Galatə lɔi hu, kuɔ diɛ:

Galatə 1:9

Kwaa gbɛa mo káá, gáá nwɔ̨nɔ̨ pənəi ŋį́ mo yiihu, gɛ́ káá: Akɛ nu ta a wɛlɛɛ takpɛli laa həli káá, ə kulɔ yii ká ɉɔlɔɓo bulu, nɛ̨ŋɛ̨n ə laa.

Galatə 4:14

Ɛlɛɛ, gbínį ə kɛ kpɔ a hɛn mąąɲɔwɔ, yili hvo ká mąąɲɔw li, hvo ɲįnɛ̨-ɲįnɛ̨n doo li ká hu, kɛlaa káámun, ká ká yee hee mú, yɛ Yálá ŋą malaka ta, yɛ Jesus Kristə.

Dutɛrɔnome 3:28

Ə́ kwəi mɛ̨nįɠaa ɓo Ɉosue ɓa. Váŋąlɔ, ə́ niikpələ, mąąhɔlɔɓo, yaa tii ɓə pai kɛi nu kpulu nwun na diɛ Ɉurdɛn teen. Nɔi ŋɛ̨i ə́ kaa gaai, ɉu ɓə di kaa lɔi laa.»

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 4:18

'Ká ká keeni liilaa kani a niɛwoo tii.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.