Gɛlaɠaa 18:21 - Yálá laawoo hɛɓɛ (dc)

²¹ Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Yálá laawoo hɛɓɛ

²¹ Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Bible

²¹ kɛ́lɛ, e vɛli dîa, ǹyɛɛi, “Ɣâla à fàa ma, ŋa pâi pâi pôlu kápɔ naa.” E nâa kɛ̀ ti e yá ŋá-keleŋ siɣe e kúla Ɛfesɛ.

Gɛlaɠaa 18:21 ပူးပေါင်းရင်းမြစ်များ

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Markə 6:46

Yii kɛa Jesus ə nuą tii tɔɔ pələi, ə tɛ yee kpukpu ta tonna yɛ Yálá hvɛli yaa tɔ̨nɔ̨.

Lukə 9:61

Nu takpɛli ə mo yɛ mą: «Ną́mu gáá pai hvilɛn ɉi ə pulu, kɛlaa, nɛ́ɛ́ laa nii, ŋą li ŋį́ ɲələwala too nwɔ́ nuą diɛ.»

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:20

Yiliɠaai diɛ mą: Gu yíi kuu ta wolo kɛ ɓɛ gu kee ɓa, Polə hvo hvaa mą.

Gɛlaɠaa 18:24

Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 20:16

Yaan, Polə ə naa gwəi ə Efɛsə taa mąąlaa, hva tɔɔ kɛ laa, ə gɛ, hvo pa lɔwai tamąą kɛ Asi lɔi hu. Ə mąą hulɔ ə gɛ Pantəkotə hɛli ə ɉɔlɔɓo Ɉerusalɛmə.

Gɛlaɠaa 21:14

Yii kɛa ku laa hvo lɔ ma, ku hvo kɛa nɛ̨ɛ̨mąą hvə mą yili pulu ku kɛ lɔ kɛa mą: «Ną́mu liiɓa ə kɛ.»

Gɛlaɠaa 21:29

Di kɛi mo ti, mąąhɔlɔɓo, Trofiməi ŋɛ̨i kɛ a Efɛsə daa mun, di gaa Polə pulu, diɛ tɛ daa kwəi. Ə kɛ di kwəi da Polə ɓə lɔ Yálá hee pɛlɛ́ mu.

Lomaŋ 1:10

Ɓɛlɔwai lɔpee ŋą́ kɛ Yálá hvɛli la, ŋą́ vɛli gɛ́ ə hvaa mą ŋį́ pa ŋį́ ɲɛ̨́i tɔɔ kaa.

Lomaŋ 15:32

Yili a kɛ tii, ŋą́ pa ká pɔɔli a kwəinɛ̨ɛ̨ hu, ɛlɛɛ, Yálá a hvaa mą, ŋį́ vį́i ta wolo tɔɔ ka pɔɔli.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Korɛntə dɔlɔɔ 16:7

Yii ŋɛ̨i nwɛi, və́ pai tɛɛi ɉa, a kɛ Ną́mu a hvaa mą, gáá pai yíi kuu tawolo kɛi ka pɔ.

Korɛntə dɔlɔɔ 16:8

Kɛlaa, gáá pai lɛɛi ɓɛ Efɛsə daai, ə lɛɛ la ɉu Pantəkotə lɔwai.

Korɛntə dɔlɔɔ 4:19

Kɛlaa, ɉu hvo kwɛa li, gɛ́ pənə gɛ́ pa, gu Ną́mu a hvaa mą. Ɛlɛɛ, mələn nuą tii, və́ kɛli yii da mo-o, kɛlaa, bələi da túwɔ́ la, ŋį́ gbaɠala kaa.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Hebreu 6:3

Yiliɠaai ɓəmun, gu kaa pai kɛi gɛi, akɛ, Yálá a hvaamą.

Zĩi 4:15

Mąąnɛ̨ɛ̨ kaa mą: «Akɛ Ną́mu Yálá a hvaa mą, kwa lɛɛ yɛnɛ̨ɛ̨, ku kaa pai yii kɛi, ku yii kɛ.»

Piɛrə dɔlɔɔ 3:17

Mąąhɔlɔɓo, akɛ Yálá liiɓa ɓaa, nu ə mɛ̨nį lɛlɛɛ mąą mɔ̨nɔ̨ mįi, yili viɛlaɓoɔi ə tɛɛ mɛ̨nį ɲɔ̨n gɛɛ ɓa.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą: