Gɛlaɠaa 17:31 - Yálá laawoo hɛɓɛ (dc)

³¹ Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Yálá laawoo hɛɓɛ

³¹ Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Bible

³¹ A vóloi lɛ́ a pâi ǹɔii ŋɔmɛnii ŋá teêi la a tɔ̃yâ pere ǹúui sârai è nɛ̀, é ŋ̀óo gbanaŋ tóo núu kélee yée ŋá nyíŋi mɛni ma a ǹúui kpîŋ mu siɣɛɛ saa yêei.”

Gɛlaɠaa 17:31 ပူးပေါင်းရင်းမြစ်များ

Mąątɛ̨nɛ̨ 9:8

Yai-Laa nwɛi, gaa laa a yələ kəlee, aa nwɔ tɔɔ kpəlin hee kpɔ tin-tin, kiti mɛ̨nį ɓa.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 24:14

Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Lukə 22:22

Tɛ̨ą li, Nu Lon kaa pai haai yɛ bələi bɛ̨ɛ̨ la nwuɔ̨. Kɛlaa, nui pai nąą lɛi, mąą nu nɛ̨ŋɛ̨n naai!»

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Ɉaan 16:10

Yii hvilɛn na tələnmo mɛ̨nį ɓa, gáá lii Ną́n pɔ, ka hvo kɛa pai gáái.

Ɉaan 5:27

Ə kiti teɛ mąąlaa tɛɛ bɔ, mąąhɔlɔɓo, Nu Lon ni.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Timote veelɛ 4:1

Gáá ə́ mąąnɛ̨ɛ̨i Yálá ɲɛ̨i ɓa da Jesus Kristə ɲɛ̨i ɓa, yai pai nu hvulúɠaa da haaɓɛlaa kiti teei, gáá moi yɛ́, gu Nąmu pai lɔwai veelɛnąą, da ŋą tɔɔlaa mąą mɛ̨nį ɓa:

Hebreu 6:2

nu mąąwaa mɛ̨nį mąą kalan, nu yee pɛlɛɛ nu nwuɔ̨, haaɓɛlaa nwun mɛ̨nį, da giti kpəli tee mɛ̨nį.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.