Gɛlaɠaa 17:27 - Yálá laawoo hɛɓɛ (dc)

²⁷ Ə gɛ ti, diɛ pɛli Yálá kwɛlii; gbəli hu kiɛ, da pɛli kɛ di lɛɛ di yee pɛlɛi ɓɛ-ɓɛ ə lɛɛ ɉú di kwiɛn na. Yá pa, yaa ti, a tɛ̨ą, mąą hvo kwɛa li gu ta lɔpee ɓa.

Yálá laawoo hɛɓɛ

²⁷ Ə gɛ ti, diɛ pɛli Yálá kwɛlii; gbəli hu kiɛ, da pɛli kɛ di lɛɛ di yee pɛlɛi ɓɛ-ɓɛ ə lɛɛ ɉú di kwiɛn na. Yá pa, yaa ti, a tɛ̨ą, mąą hvo kwɛa li gu ta lɔpee ɓa.

Bible

²⁷ a gɛ́ɛ dí Ɣâla kɔ́ri a kili-kɛ-zu a gɛ́ɛ dí gáa, berei máŋ la gɛ̂i fé kôya ni la kútà kûai.

Gɛlaɠaa 17:27 ပူးပေါင်းရင်းမြစ်များ

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Lomaŋ 1:20

Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?