Gɛlaɠaa 17:19 - Yálá laawoo hɛɓɛ (dc)

¹⁹ Di Polə hon də li la nɔi ɲąąwooɓo nuą liila diɛ mą: «Galan nįnɛ̨i ŋɛ̨i ə́ kaa gɛi, yá pɛli ɉukulaa lɛi kuɔ, ku gaai?

Yálá laawoo hɛɓɛ

¹⁹ Di Polə hon də li la nɔi ɲąąwooɓo nuą liila diɛ mą: «Galan nįnɛ̨i ŋɛ̨i ə́ kaa gɛi, yá pɛli ɉukulaa lɛi kuɔ, ku gaai?

Bible

¹⁹ Nya ƃe dí Pɔ̂ɔ sòŋ dí pá la Ɛreɔpagɔ koyaŋ su-ƃelai ŋɛ́i-tuɛ, dîyɛɛ mài, “Kwa ŋ̀wɛ̂lii kú ísɛŋ-lɛɛ ninai kɔ́lɔŋ, nyíi íkaa ǹɛ̂i.

Gɛlaɠaa 17:19 ပူးပေါင်းရင်းမြစ်များ

Azaya 21:12

Daa mąąkpɛmun yɛ mą: «Yələ kaa ɓɔi, kpinį yɛ nwɔ̨nɔ̨ pɛlɛ. Ka kɛ nwɔ̨nɔ̨ bɔ ka kɛɛ mąąnin gɛ, 'ka pənə ka pa.»

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Markə 1:27

Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Gɛlaɠaa 17:20

Mąąhɔlɔɓo, ə́ kaa ku wəlii woo ɲąąnwąnąi a nwɛ̨ą mɛ̨nįɠaa, ɛlɛɛ, ku kaa kpɔ bɔ, ku mukulaa kɔlɔn.»

Gɛlaɠaa 17:22

Polə ə muhəɠə ə tɔɔ nwundɔɔ kɛɛnąą, di lɔwai, yɛ diɛ: «Atɛnə nuą, ká kaai gáá moi, ká káá a Yálá kwɛli nuą pələ pɛlɛ-pɛlɛɛ kəlee hu, káá ka yee ɓɔ ɉu.

Gɛlaɠaa 17:34

Kɛlaa, ə mą kɛ ti, nu taɠaa di hvilɛn bulu, di kɛ a laa na nuą. Denisə ə kɛ a di ta, ə kɛ a giti teemun da, ɛlɛɛ, nɛ̨ɛ̨nu ta diɛ kɛ mą: Damarisə, da nu takpɛliɠaa.

Gɛlaɠaa 23:19

Ɉolahi nwun nąmu ə ɉulɔnon hon a ɲee, da yaa də li di tɔ̨nɔ̨ kɛɛnąą, yɛ mą: «Lə mɛ̨nį ɓə yɛ́ ə́ mo mą́ą́?»

Gɛlaɠaa 24:24

Yíi kuu hveelɛ kulaa ɉu, Felisə da nɛ̨ą Drusilə Ɉuifə mun, di Polə təli, diɛ kɛ mą, nu laa mɛ̨nį Jesus Kristə la, mɛ̨nį ŋɛ̨i yá kɛ moi, kuɔ ku da mɛ̨n.

Gɛlaɠaa 25:22

Agripa yɛ Fɛstusə ɓa: «Ɲą́ą́ gbɛli mąn gáá bɔ, ŋį́ ɉulɔnui ti woo mɛ̨n.» Mɛlan yɛ mą: «Yá tínąą nwoo mɛ̨n.»

Gɛlaɠaa 26:1

Agripa yɛ Polə ɓa: «Mąąlaa kaa ə́ yəi, yɛ pɛli ə́ nwun mąąkɔ̨nwɔ̨i.» Polə ə ɲee haŋą, yɛ kɛa nwoo hukulɔ, yɛ kɛ: