Gɛlaɠaa 17:16 - Yálá laawoo hɛɓɛ (dc)

¹⁶ Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Yálá laawoo hɛɓɛ

¹⁶ Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Bible

¹⁶ Gɛ́ɛ dímaa kpɛnii Atɛŋ, ǹíi è sòli goi, kpɛ́ni fêi, è ɣâla da kpɛ́ni támaa kàa naa.

Gɛlaɠaa 17:16 ပူးပေါင်းရင်းမြစ်များ

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ɉaan 2:13

Ɉuifəɠaa di wɔ hɛli ŋɛ̨i da kɛ mą pakə, mąą kpua kɛa kɛ, Jesus ə li Ɉerusalɛmə daai.

Gɛlaɠaa 17:15

Nuą ti li Polə tɔɔi bələi, da diɛni də li kpɔ di həli Atɛnə daai. Yili pulu, di yali di pulu, di pa a Polə nwɔ wɛlɛɛ Silasə da Timote di pɔ, ə gɛ, yiliɠaai di laŋąn mą, a mąąhulaa.

Gɛlaɠaa 17:21

A tɛ̨ą, Atɛnə nuą da nwɛ̨ąąi kɛ daa hee laa, di wɔ mąą tíi lɔɓa kɛ, a mɛ̨nį nįnɛ̨ hukulaa, da di wəli tɔɔ mɛ̨nį nįnɛ̨ ɓa.

Gɛlaɠaa 17:23

Gɛ́ɛ́ tɛɛi ká wɔɔ pələɠaai pɔ, ŋą́ haláá kulɔi tamąą kaa, ɛlɛɛ, ŋą́ haláá kulɔi ta kaa, bɛ̨ɛ̨ mą, diɛ mą: Yálái di hvo gɔlɔn, gɔi ka! Ɉɛn ka kwɛli hvilɛn mą, ká hvo gɔlɔn, ya ɓə ŋą́ pa nɛi káá.

Gɛlaɠaa 18:1

Həɠəi Polə ə mo Atɛnə daai, Korɛntə daai ɓə ə li laa.

Gɛlaɠaa 20:22

Yiihu kɛa, gáá a Kili-Mąąhəɠɛɛ ŋą gaho nąmu, ɲą́ą́ ka lii Ɉerusalɛmə, mɛ̨nįi lii laai mą́ą́, və́ gɔlɔn.

Tɛsalonikə dɔlɔɔ 3:1

Yii kɛa, hvo kɛ a ku yee bɛli mąą mɛ̨nį, ku ku kiliŋąhiɛ kuɔ, nɛlɛɛ ɓaa, ku lɛɛ Atɛnə kuɔ tɔ̨nɔ̨,

Piɛrə veelɛ 2:7

Ə lɛɛ, Lɔtə ŋɛ̨i kɛ a tələnmomun, yii nuą ti di wɔ túwɔ́ pələ ə kɛi nii kələn gwəi, Yálá ə nwun mąąɓo.