Gɛlaɠaa 17:14 - Yálá laawoo hɛɓɛ (dc)

¹⁴ Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Yálá laawoo hɛɓɛ

¹⁴ Galan nɛa di nɛɛ mą di mo Polə ɓa, ə li gboloyá kwɛlɛ pələ; Silasə da Timote di lɛɛ laa.

Bible

¹⁴ Kôrai-ƃelai dí Pɔ̂ɔ tɛ̀ɛ a maa félaa yúo-loŋ ma, Kɛ́lɛ, Salɛ da Temete dí lɛ̀ɛ pôlu naa.

Gɛlaɠaa 17:14 ပူးပေါင်းရင်းမြစ်များ

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 17:15

Nuą ti li Polə tɔɔi bələi, da diɛni də li kpɔ di həli Atɛnə daai. Yili pulu, di yali di pulu, di pa a Polə nwɔ wɛlɛɛ Silasə da Timote di pɔ, ə gɛ, yiliɠaai di laŋąn mą, a mąąhulaa.

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Gɛlaɠaa 17:6

Lii di mo di hvo di kaa laa, di Ɉasɔn hon da galan nɛa taɠaa, di pa a diɛ daa nąmįną lííla. Diɛ tomą, diɛ kɛ: «Nuą ŋɛ̨i daa lɔi kəlee kulɔ bihɛi, diɛ ka ɓɛ yiihu.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 19:22

Polə ə mąą kpɔnmąą ɓo nuą hveelɛ tɛɛ: Timote da Erastə, diɛ li Masedoanə lɔi hu. Kɛlaa, nwɛi, ə lɛɛ Asi lɔi hu ə yíi kuu ta wolo kɛ laa.

Gɛlaɠaa 20:3

Ə ɲąnįn ɉaaɓa kɛ nɔi ti hu. Ɓɛlɔwai ə kɛli pa tɛi la gələn ɉu yɛ li Siri lɔi hu pələ, Ɉuifəɠaa di lɔgilii kɛ mą, yili ɓə gɛ, ə naa gwəi ə yali bulu ə pənə yɛ li Masedoanə lɔi hu pələ.

Gɛlaɠaa 9:25

Kɛlaa kpinį tɔ̨nɔ̨ mu, Solə yeepɔ nuą, di ɉee kpɔlɔ ta hu, di ɲɛɛ a ɉįinwąną koo.

Gɛlaɠaa 9:30

Nąn nonnii di gbaɠala kaa, di ɉəɠə, də li la Sesare, ɛlɛɛ, di dɛɛ Tarsə.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Zasua 2:16

Yɛ diɛ: «'Ka li, ka ka loo ɲee koo mu, ka lɛɛ laa hvóló haaɓa yee mu, ə lɛɛ ɉu nuąi li ka kwɛlii di di pulu pənə, ka pɛli kɛa kulɔi ka li.»