Gɛlaɠaa 16:35 - Yálá laawoo hɛɓɛ (dc)

³⁵ Yələ ɓɔɔ kɛa, Romə nwun nąmįną di di yee pɔ nuą tɔɔ gaho pɛlɛ́ mɛ̨i kaamun bɔɔli, diɛ mą: 'Ɓo nuą ŋɛ̨i diɛ.

Yálá laawoo hɛɓɛ

³⁵ Yələ ɓɔɔ kɛa, Romə nwun nąmįną di di yee pɔ nuą tɔɔ gaho pɛlɛ́ mɛ̨i kaamun bɔɔli, diɛ mą: 'Ɓo nuą ŋɛ̨i diɛ.

Bible

³⁵ Kɛ́lɛ, tãi ɣele e ƃɔ̀ lai, nuu-tuɛ-ƃelai mɛi-ƃelai dí kɔkuluƃa-ŋai tɛ̀ɛ a gɛ́ɛ dí m̀ó gbini-pɛrɛi lá-nuui ma, dîyɛɛi, “Ǹûai lɛ́ɛ naa dí lí.”

Gɛlaɠaa 16:35 ပူးပေါင်းရင်းမြစ်များ

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Gɛlaɠaa 16:34

Ə Polə da Silasə ni həɠə, ə li a diɛ ɲəi bɛlɛ́n, ə kɔ̨nɔ̨n dɛɛ di pɔ. Da ɲəi bɛlɛ́n nuą di kɛ kwəinɛ̨ɛ̨ hu, mąąhɔlɔɓo, daa di yee hee Yálá mąą mɛ̨nį mu.

Gɛlaɠaa 16:36

Gaho pɛlɛ́ mɛ̨i kaamun ə nwɛlɛɛ ti ɓo Polə ɓa, yɛ mą: «Nwún nąmįną diɛ, ŋį́ ɓo káá, ká kulɔ, ka ká wɔɔ líɓo liilaa hu.»

Gɛlaɠaa 16:38

Nuąi di di tɔɔ, də li di nwooɠaa ti hukulɔ gití tee nuą diɛ. Mɛ̨n di mo, diɛ kɛ; Romə kaalɛa ɓaa a diɛ, di ɲɔw kpɔ kɛnɛ̨.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Zasua 4:17

Ɉosue ə mo diɛ di kulɔ ɲái.