Gɛlaɠaa 16:23 - Yálá laawoo hɛɓɛ (dc)

²³ Yii kɛa di di kɛlɛ kpɔ ti a mɔlɔɔ, di di too gaho ŋą, diɛ gaho pɛlɛ́ mɛ̨i kaamun ma, ə ɲɛ̨i kɛ diɛ kpɔ a nɛlɛɛ.

Yálá laawoo hɛɓɛ

²³ Yii kɛa di di kɛlɛ kpɔ ti a mɔlɔɔ, di di too gaho ŋą, diɛ gaho pɛlɛ́ mɛ̨i kaamun ma, ə ɲɛ̨i kɛ diɛ kpɔ a nɛlɛɛ.

Bible

²³ Díkɛɛ da dílokwa a ŋánaai, dí dípili kpini-pɛrɛ mu. Dí mò gbini-pɛrɛ lá-nuui ma a gɛ́ɛ e dímɛi káa a ǹɛ́lɛɛ.

Gɛlaɠaa 16:23 ပူးပေါင်းရင်းမြစ်များ

Maafîu 26:48

Ɉudasə ŋɛ̨i Jesus lɔwɔ́tɔɔ, ə mo nuą diɛ, yɛ diɛ: «Gwa li! Nui ŋą nɛ̨nɛ̨ɓo, ŋį́ náá pɛlɛ naa ɓa; a kɛ tii yaa li, ka ɉon.»

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Gɛlaɠaa 12:18

Yələ ɓoɔ kɛa, gɔ́kulááɠaa kwəi ə pili, diɛ tɔɔ lɔ bɛ-bɛ a Piɛrə mąą mɛ̨nį, diɛ kɛ; gɛ pələ ə kɛ kpɔ ləi?

Gɛlaɠaa 12:4

Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Gɛlaɠaa 16:27

Nui kɛi ɲɛ̨i kɛ gaho nąmįną diɛ, ə nwun nɔ tanɔ̨n wúlú, ə gbonŋaa kaa naaɓoɔ, ə kɛ gwəi, gaho nąmįną daa pu, ə nwɔ ɓowai kulɔ daa hu

Gɛlaɠaa 16:36

Gaho pɛlɛ́ mɛ̨i kaamun ə nwɛlɛɛ ti ɓo Polə ɓa, yɛ mą: «Nwún nąmįną diɛ, ŋį́ ɓo káá, ká kulɔ, ka ká wɔɔ líɓo liilaa hu.»

Gɛlaɠaa 5:18

Di gɛlaɠaai hon nu kəlee ɲɛ̨i ɓa, di di too gaho ŋą.

Gɛlaɠaa 5:23

Diɛ mą: «Lii ku mo, ku bɛlɛ́ɠaa kəlee kaa naa kpulɔɔ kpɔ a nɛlɛɛ, gaho pɛlɛ́ mɛ̨ikaa nuą kaa di ɓo heeni bɛlɛ́ laaləi. Ku bɛlɛ́ laa ɓo, ku hvo nu ta kaa bɛlɛ́n.»

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 6:5

kɛlɛ ɓo hu, gaho hu, diɛ nuą ɲąątɔɔ kuɔ, hvįikpɛɛlaa hu, yíikpəlin ɉu, pulu hu,

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.

Filemɔn 1:9

Yii viɛlaɓoɔ ɲɛ̨́i ɓa ya ɓaa: ŋą́ Onesimə mąą liɛwoo kɛ yɛ́, yɛ bələi ɲą́ą́ Polə gáá la a hulɔgolo, gɛ́ ɓo gaho ŋą Jesus Kristə laa mąą mɛ̨nį ɓa.

Zasua 4:17

Ɉosue ə mo diɛ di kulɔ ɲái.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.