Gɛlaɠaa 16:16 - Yálá laawoo hɛɓɛ (dc)

¹⁶ Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Yálá laawoo hɛɓɛ

¹⁶ Yələ ta, ku kɛɛ lii Yálá hvɛlii, kolo-kɛ nɛ̨ɛ̨non da ə pa ku laakwiɛn ɉii, ɲɛ̨ąkpɛ ɲįnɛ̨n da ə kɛ bulu. Ɲɛ̨ąkpɛ ɲįnɛ̨n ti, ə kɛli hɛn gɔw tiɛ̨ nąmįną diɛ kpɔ kɛnɛ̨.

Bible

¹⁶ Kúkɛɛ liî Ŋ̀âla-fɛli-kwaai mai, ku luɛ-nɛni-lo tɔnɔ kàa, nyíi nyinaŋ nyɔ́mɔɔ è kɛ̀ bôlui. E pà a sɛŋ-kao támaa mɛi-ƃelai pɔ. Kpɛ́ni fêi, è kɛ̀ a tuɛ-mɛni ƃo-nuu.

Gɛlaɠaa 16:16 ပူးပေါင်းရင်းမြစ်များ

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Levetekɔ 19:31

«'Ka hvo ɲąmuątaa tɔlu mɛ̨nį kaa a tɛ̨ą, ka li di pɔ, yili a ka mąąliɓi. Ɲą́ą́ ɓə gáá a Yai-Laa, ka wɔ Yálá.

Levetekɔ 20:27

«Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Levetekɔ 20:6

«Nui lɔpee a li ɲąmuątaa tɔlukpɛmun da pɔɔli mąą tɔlukpɛ mɛ̨nį ɓa, yɛ gbɔwɔ mąąiɓi la tii, ŋą́ hee mąą nu hu, ŋį́ gulɔ nɔi nuą lɔwai.

Gɛlaɠaa 16:13

Hvįįtɔɔ yələ, ku kulɔ daai, kwə li ya ta kwɛlɛ, a lɔ ku kwəi, ku kaa lii Yálá hvɛlii ta kaai. Ku lɔ ku hee, nɛ̨ąɠaa ti da kɛ di ɲąąkpɔn ɉii laa, ku pələ pili diɛ.

Gɛlaɠaa 16:18

Ə kɛli gɛ ti hvoló tamąą yee mu. Gɛ pələi ti, Polə líí ə holi, ə tinɛ̨n yɛ ɲinɛ̨n ti ɓa: «Gáá moi yɛ́, Jesus Kristə laa hu, 'həɠə nɛ̨ɛ̨nui ŋɛ̨i pulu.» Ɲąąɓa, ɲinɛ̨n ti ə nɛɛmą ə həɠə bulu.

Gɛlaɠaa 16:19

Ya ɓə nɛ̨ɛ̨nui ti nąmįną, gaai di mo diɛ kɛ, di wɔ hɛn gɔw hɔlɔɓoi aa kulɔ di yəi, di Polə da Silasə di hon, də li a diɛ gwəli hąą kɛnɛ̨ ɓa daa-nąmįną líí la.

Gɛlaɠaa 19:24

Vaa ti kpala ə tɔɔ hɛni-pɛlimun da ɓa, diɛ kɛ naa ɓa: Demetriusə. Ə kɛli Artemisə hvɛli pɛlɛ́ɠaa mąąnįnįn bɛli a wali kwɛli. Gólói tii kɛ nuą di kɛli hɛn gɔw kpɛa-kpɛaa hɔlɔɓo ti ɉaalai.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Timote dɔlɔɔ 6:10

Mɛ̨nį ɲɔ̨n gəlee ɉamu ɓaa a, wali lii. Gɛ mɛ̨nį nuą diɛ di kpɔwɔ kwɛlɛ mą, daa lan, daa di mąą kwɛa laa na pələ ɓa, ɛlɛɛ, daa di kpɔwɔ liikələn di kwəi, a kiliŋąhiɛ huwu tamąą.

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Samuɛlə dɔlɔɔ 28:3

Samuɛlə aa kɛ haa, Israɛlə nuą kəlee daa kɛ ɉaa mɛ̨nį kɛ. Ə lɛɛ, daa kɛ noo bɔ taai Rama. Saulə aa kɛ tɔlu kpɛ nuą da ɲąmuątaa tɔlukpɛ nuą kəlee kpɛ lɔi hu.

Samuɛlə dɔlɔɔ 28:7

Saulə yɛ nwɔ nuą diɛ: «Ka Ɲąmuątaa kpɔlikpɛ nɛ̨ɛ̨nu ta kwɛli mą́ą́, ŋą́ li, ŋą́ mąąnin gɛ.» Nwɔ́ tíɓo kɛ nuąi diɛ mą: «Ɲɔ̨muątaa tɔlukpɛmun da kaa Ein-Dɔrə.»