Gɛlaɠaa 16:15 - Yálá laawoo hɛɓɛ (dc)

¹⁵ Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Yálá laawoo hɛɓɛ

¹⁵ Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Bible

¹⁵ Gɛ́ɛ a batâi sɔlɔ ƃo da ŋɔpɛ́rɛi mu-ƃelai, e kúkpera fe, ǹyɛɛi, “À kɛ̀ ká gɔ́lɔŋ a gɛ́ɛ laa-la káa ńyêei Kúnuu-namui mɛni ma, gɛ̀ ní ka pa ŋápɛrɛi lá ká kɛ́ naa.” È kɛ̀ kpɔ́ ŋ̀wɛ̂lii a gɛ́ɛ ku li ŋɔpɛ́rɛi lá.

Gɛlaɠaa 16:15 ပူးပေါင်းရင်းမြစ်များ

Zɛnɛse 19:3

Kɛlaa, Lɔtə ə kanąn diɛ, ŋąąkpɛɛi, di hvaa mą, da diɛni di li ɲəi bɛlɛ́ laaləi. Lɔtə ə nɛɛ mą ə di nwɛ̨ą kɔ̨nɔ̨n gɛ, ə nwɔmi kɛ yii ləvɛin hvo kɛ ɉu, di mį́i.

Zɛnɛse 33:11

Mɛ̨inɛ̨ɛ̨ ŋɛ̨i ŋį́ paa la, ə́ yee hee mu. Mąąhɔlɔɓo, Yálá ə ɲɛ̨i lɛlɛɛ hee mą́ą́, yii kpɔ ŋį́ kɛ bɔ, gəlee kaa ɲə́i.» Ɉakɔbə ə kpala kpɔ Esau la, yili ə ɲee hee mu.

Tɔɔɓɛlaa veelɛ 4:8

Ə kɛ a yələ ta, Elise yɛ tɛɛ Sunɛmə daai, nɛ̨ɛ̨nu yee walawalaa ta ə kɛ laa ə Elise mąąnɛ̨ɛ̨, yɛ Elise ə kɔ̨nɔ̨n mįi bɔɔli. Ə həɠə kɛa ɲələi ɓa, yələi lɔpee Elise aa kɛi tɛɛ la Sunɛmə, ə kɛi li yɛ kɔ̨nɔ̨n mįi nɛ̨ɛ̨nui tii pɔɔli.

Maafîu 10:41

Nui a ɲee hee Yálá kwəi mɛ̨nį hukulɔ nuą ŋɛ̨i ta mui, mąąhɔlɔɓo, Yálá kwəi mɛ̨nį hukulɔ mun ni, mąą nui a vɛla hɔlɔɓo yɛ Yálá kwəi mɛ̨nį hukulɔ mun. Nui a ɲee hee nu haŋąą ta mu, mąąhɔlɔɓo, ɉaŋąąi Yálá ɲɛ̨i ɓa, mąą nu a mąą hvɛla hɔlɔɓo Yálá yəi.

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Lukə 14:23

«Ɉulɔnui tii ə mo nwɔ̨nɔ̨ nwɔ tímun ma, yɛ mą: ‹'Li daa pulu, ɲɛa pələɠaa pɔ, galaɠaa koo ɓa, nui lɔpee yá gaa laa, ə́ mo mą kpɔ a ə́ nwąnąąi ə pa, əgɛ, nwɔ́ɔ́ pɛlɛi laa ə hvɛɛ.

Lukə 24:29

Kɛlaa, di ɉu hon diɛ mą: «Gu yii ɓɛ, kpinį aa gbɛa pɛlɛ.» Da diɛni di lɛɛ laa.

Gɛlaɠaa 11:14

Mɛ̨nįɠaai pai pai ə́ wɔ pɛlɛ́i pɔ a ɓalo mɛ̨nį, a pa, gaa pai ɉukulɔi yɛ́.

Gɛlaɠaa 16:31

Di nwoo ɲąąpənə diɛ mą: «Yá laa gu Ną́mu Jesus la, yá ɓalo, yɛ́, ka ə́ yəi bɛlɛ́n nuą.»

Gɛlaɠaa 16:33

Mąą kpinįi ti hu, gaho pɛlɛ́ mɛ̨i kaamun, ə li a diɛ, ə nɛɛmą, ə di wɔ palaɠaai waa. Yili pulu, di yaa, da nwɔ nuąi di mąąwaa.

Gɛlaɠaa 16:34

Ə Polə da Silasə ni həɠə, ə li a diɛ ɲəi bɛlɛ́n, ə kɔ̨nɔ̨n dɛɛ di pɔ. Da ɲəi bɛlɛ́n nuą di kɛ kwəinɛ̨ɛ̨ hu, mąąhɔlɔɓo, daa di yee hee Yálá mąą mɛ̨nį mu.

Gɛlaɠaa 18:8

Krispusə, yai a Yálá hvɛli pɛlɛ́ nwun nąmu, ə laa gu Ną́mu Jesus la da ɲee bɛlɛ́n nuą, ɛlɛɛ, Korɛntə daai nuą tamąą, diɛi kɛi di wəli tɔɔ Polə woo ɓa, di laa Jesus la, di di mąąwaa.

Gɛlaɠaa 8:12

Kɛlaa, laai kɛa di kɛli mo Filipə la, yai kɛi Yálá ŋą tɔɔlaa mąą wəlɛɛ lɛlɛɛ laa həli, da Jesus Kristə laa, di di mąąwaa, hinąą mąn nɛ̨ąą mąn,

Gɛlaɠaa 8:38

Ə mo di nwotolo tɔɔ, di nu hveelɛ di yɛɛ ɲái, Filipə ə gbɛtɛgbuwului mąąwaa.

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 5:14

Kristə nwɔ wɛlikɛmąąlaa aa hee ku hu, ku kili kaa ɉu kuɔ, yii nu tɔ̨nɔ̨ ɓə nu kəlee pulu haa ɓo, akɛti kani, nu kəlee ka ti haa.

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Filemɔn 1:17

Akɛ yá gáá yɛ ə́ nąn non laa na laa hu, Onesimə a pa ə́ pɔɔli, ə́ yee hee mu yɛ bələi yá ə́ yee hee kɛ la mú.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.

Zɔ̂ŋ Zaaƃai 1:5

Nwɛ́likɛmąąmun, ə́ kaa tuwɔi yɛ́ bɛli ə́ wɔɔ laa na laa ɓa, a nąn nonnii hon yá mo a nɛlɛɛ, ə mą kɛ, nwɛ̨ąą.

Zɔ̂ŋ Zaaƃai 1:8

Guɔ kpɔ ɓə gu mąąnɛ̨ɛ̨i gu mąąkpɔnmąą tɛɛ nuą tii pɔ, ə gɛ, gu gu kpɔwɔ lɛ diɛ a dɛ̨ą tii mąą kóló kɛ nuą, yɛ diɛ.

Samuɛlə dɔlɔɔ 28:23

Saulə hvo gɛ, yɛ mą və́ hɛn da mįi. Kɛlaa, ɓɔ nuą di hɔlɔ ma, ə mą kɛ nɛ̨ɛ̨nui tii. Ə hvaa di woo ɓa, ə muhəɠə nɔi ɓa, ə hee gbəli mɛ̨i.