Gɛlaɠaa 16:12 - Yálá laawoo hɛɓɛ (dc)

¹² ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Yálá laawoo hɛɓɛ

¹² ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Bible

¹² Ku kúlaa naai, ku lì Felepâ, nyíi gáa a Masadonia taa-leei gɛ́tɛi, nyíi kɛ̀ Lomaŋ-ŋai yée mui. Ku kɛ̀ naa a ɣele kûu da-ŋa;

Gɛlaɠaa 16:12 ပူးပေါင်းရင်းမြစ်များ

Gɛlaɠaa 16:10

Ɉįi ti kaa pulu, ɲąąɓa, ku pələ kwəli kpɔlɔɔ ti mą, kuɔ li Masedoanə lɔi hu pələ. Mąąhɔlɔɓo, ku gaa, kuɔ, Yálá aa ku təli, yɛ kɛ, ku nwəlɛɛ lɛlɛɛ laa həli laa.

Gɛlaɠaa 16:21

Ɛlɛɛ, di kaa yíí nįnɛ̨ takpɛli lɛi nuą diɛ. Kuɔi a Romə nuą, ku hva pɛli hvaa yili ɓa, ku hva pɛli bɔ túwɔ́ ɓoi.»

Gɛlaɠaa 16:9

Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 19:29

Gɛɛ tii, daa kəlee ə kɛ lɔ ɉuwu-ɉuwu, nuą di wɛan, di li a di kpulu ɓɛi di kɛli ɲąąkpɔn gɛ laa a bɔlɔ-pɔlɔ, di Gaiusə da Aristarkə hon a yee tɛɛ mąą laa, di li a diɛ, nu hveelɛi ti di kɛ a Masedoanə lɔi hu nuą, ɛlɛɛ, da Polə ni ɓə kɛ ɉiɛ hu.

Gɛlaɠaa 20:1

Yii kɛa di nu kpulu ɲąąyɛɛ, Polə ə galan nɛa təli, ə di hvaŋąlɔ, ə yələ wala too diɛ, yɛ li Masedoanə lɔi hu pələ.

Gɛlaɠaa 20:3

Ə ɲąnįn ɉaaɓa kɛ nɔi ti hu. Ɓɛlɔwai ə kɛli pa tɛi la gələn ɉu yɛ li Siri lɔi hu pələ, Ɉuifəɠaa di lɔgilii kɛ mą, yili ɓə gɛ, ə naa gwəi ə yali bulu ə pənə yɛ li Masedoanə lɔi hu pələ.

Gɛlaɠaa 20:6

Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Gɛlaɠaa 27:2

Ku tɛ Adramitiumə kələn da ɉu, yɛ li Asi lɔi gbonwo ɓa pələ, ku bələ hon gɛa. Masedoanə mun da ə kɛ ku pɔ, naa ɓaa: Aristarkə, bɔ taai ɓaa Tesalonikə.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Filipə 1:5

Mąąhɔlɔɓo, kaa kpɔnmąą tɛɛ bɔ́ nwɛlɛɛ lɛlɛɛ laa həliɛ hu, ə həɠə voló tɔlɔɔ ɓa, ə həli la yiihu ɓa.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.