Gɛlaɠaa 15:20 - Yálá laawoo hɛɓɛ (dc)

²⁰ Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Yálá laawoo hɛɓɛ

²⁰ Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Bible

²⁰ Kɛ́lɛ, fɛ̂ɛ kú kɔlɔ pɔ̃yɛ dîɛ a gɛ́ɛ dífe díyee pù mɛni kélee su nyíi ɣâla da kpɛni-ŋa da garai, dífe tela díyee pu wulu-wulu kɛ́ɛ su. Dífe fɛnɛ-sɛŋ da zua da mìi nyíi dí gáo ɣàlei kpaa máŋ dí sua da ŋãa mii.

Gɛlaɠaa 15:20 ပူးပေါင်းရင်းမြစ်များ

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Zɛnɛse 9:4

Kɛlaa, ka hvə huwɔ ta nɔ̨ɔ̨ lɛɛ ɉu, ka hvo mį́i, yili mukulaa ɓaa: Ka hvo huwɔ ɲąmą mį́i.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Izikiɛ 33:25

Yili ma mɛ̨nį ɓa, 'kɛ diɛ: Mɛ̨nį kəlee ŋą Hééɓomun Yálá woo ka: Ka huwɔ mįi a ɲąmą, kaa ka ɲɛ̨i tinɛ̨n haliɠaa pɔ pələ, kaa lɔi kala mɛ̨nįɠaa kɛ, ya ɓə ka tɔɔ kaa kɛ diɛ nɔi kaa lɛɛi ka yəi a ka wɔɔ?

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Levetekɔ 18:6

«Hulɔnu ta hvo kɛ gaa laai a gaayɔwɔ nɛ̨ɛ̨nu. Ɲą́ą́ ɓə gáá a Yai-Laa.

Levetekɔ 19:26

«'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Gɛlaɠaa 21:25

Yii ɓaa nuąi di hvo a Ɉuifəɠaa di wɛi, diɛi daa kɛ a Kristalɛa, mɛ̨nįi ku gbən dee, ku bɛ̨ɛ̨ hɛɓɛ́ hu, ku dɛɛ diɛ kuɔ diɛ: Huwɔ yii daa gulɔ hali ɓa a haláá, mąą hvo nɛ̨ɛ̨li di hvo mįi, ə mą kɛ a ɲąmą, da huwɔi di hvo nwun dee li. Mąą hvo nɛ̨ɛ̨li di kɛ a wɛli hon nuą.»

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Korɛntə dɔlɔɔ 6:13

«Kɔ̨nɔ̨n gaa a koo lon nwɔɔ, koo lon yaan, kɔ̨nɔ̨n mɛ̨nį ɓə gaa la nu ɓa.» Tɛ̨ą li, kɛlaa, koo lon da kɔ̨nɔ̨n, gəlee kaa a kala hɛn Yálá ɲɛ̨i ɓa. Kɛlaa, nu kpįnį nwɛi, hvo a túwɔ́ pələ ɲɔ̨n gulɔ nwɔɔ, nu kpįnį kaa a gu Nąmu nwɔɔ, gu Ną́mu yɛ ɓo a nu kpįnį nwɔɔ.

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Korɛntə dɔlɔɔ 7:2

Kɛlaa, ə gɛ, túwɔ́ pələ ɲɔ̨n hvo kɛ, hulɔnu nɛ̨ą ə kɛ tanɔ̨n, ɛlɛɛ, nɛ̨ɛ̨nu ɉilɛ ə kɛ tanɔ̨n.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 5:19

Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Dutɛrɔnome 12:16

Kɛlaa ka hvo ɲąmą mį́i, ka bu lɔi ɓa yɛ ya.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Dutɛrɔnome 15:23

Kɛlaa, ka hvo ɲąmą mįi, ka huwɔ paa, ka ɲąmą pu nɔi ɓa yɛ yá.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Tɛsalonikə dɔlɔɔ 4:3

Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Piɛrə dɔlɔɔ 4:3

A tɛ̨ą, yii tii kɛ, aa pɛli ɉu, a yai wɔlɔ ká gɛ hali pulu yíi hu, káá tuwɔ pələ ɲɔ̨n ɉuwu kəlee kulɔ, ɲɛ̨i kulɔ bɔɠaa, lɔɔ hon naa, kwəi kɛnɛ̨ laa, lɔɔ kpələ kpɔn naa, da hali ŋą mąąliɓi mɛ̨nįɠaa.

M̀ɛni-lɛɛi 10:2

Hɛɓɛ́ logolo ta ə kɛ ɲee ɲą, naaɓoɔ. Ə mamįiyee-kɔwɔ tɔɔ gboloyá ɲą, ə gɔɓɛyee-kɔwɔ tɔɔ lɔi mɛ̨i.

M̀ɛni-lɛɛi 10:8

Ɛlɛɛ, nwoo tii ŋį́ mɛ̨n yɛ həɠə ɲələi pələ, yɛ nwɔ̨nɔ̨ mą: «'Li, malaka tii gɔwɔ tɔɔ gboloyá ɲą, dɔɔ lɔi mɛ̨i, ɉɛɓɛ́i tii ɲəi naaɓoɔ, 'ə́ ɉəɠə ɲəi.»

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Samuɛlə dɔlɔɔ 14:32

di too gɔ́ pulu hɛnŋaa hu, di daatɛlɛɛ pɛlɛɛɠaa həɠə, di nįŋɛ̨ɠaa da di lonnii di nwun dee nɔi ɓa, di mįi da ɲąmą.

Samuɛlə dɔlɔɔ 14:33

Di pa di mo Saulə ɓa, diɛ mą: «Nuą kaa nɛ̨ŋɛ̨n ɉəɠəi Yai-Laa ɓa. Di kaa huwɔ mįi da ɲąmą.» Saulə yɛ mą: «Lɔ gílii nuą ɓaa kaa. Ka kwɛni kpuwulu kɛnɛ̨ kiliɠilin, ka nɛɠɛ ɓɛ mą́ą́.»