Gɛlaɠaa 15:2 - Yálá laawoo hɛɓɛ (dc)

² Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Yálá laawoo hɛɓɛ

² Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Bible

² Laa-sâa kɛ́tɛ è tòo Pɔ̂ɔ, Banaba da ǹûai ŋí loai. Nya ƃe dí gbɛ̀tɛ a gɛ́ɛ Pɔ̂ɔ, Banaba da ǹúui da-ni dí lí Zerusâlɛŋ dí m̀ɛnii ŋí pú naa zia-ƃelai da ǹúu pɔlɔ-ŋai ŋɛ́i.

Gɛlaɠaa 15:2 ပူးပေါင်းရင်းမြစ်များ

Lɛɛ gbɔwɔ ɓa 18:23

Ya yili kɛ tii, Yálá kaa pai kɛi gwəi mɛ̨nįɠaa hukulɔi yɛ́, ə́ yee kaa pai pɛlii góló ɓa, yili pulu, nuą da pɛli di li di pulu liilaa hu.»

Gɛlaɠaa 10:23

Piɛrə ə di lɔ bɛlɛ́n, ə di nwɛ̨ąlaa kɛ. Mąą yələ laaɓoɔ, da diɛni di bələ həɠə diɛ li, Ɉope kalan nɛa taɠaa di lɛɛ Piɛrə pulu da diɛni də li.

Gɛlaɠaa 11:12

Kili-Mąąhəɠɛɛ yɛ mą́ą́: 'Ka diɛni ka lí, ɲįnɛ̨n-ɲįnɛ̨n və kɛ ə́ hu. Ną́n nonnii mɛ̨idai lɛɛ bɔ́ kwa diɛni kuɔ pa ɓɛ, kwa diɛni lɔ ɓə li Sesare, kwa diɛni kəlee ku lɔ nu kpɔ, ɲəi bɛlɛ́n.

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Gɛlaɠaa 15:25

Yiihu, ku woo aa laa mą ku kəlee, kwaa nuą həɠə ɉu, kuɔ di tɔɔ ka pɔɔli, da ku wɛlikɛmąą nuą Barnabasə da Polə.

Gɛlaɠaa 15:27

Ku kaa Ɉudasə da Silasə di tɔɔi ká pɔɔli, diɛ ɓə pai mɛ̨nįi ti hukulɔi káá, a di laawoo.

Gɛlaɠaa 15:4

Di həliɛ Ɉerusalɛmə, galan gbɔn, gɛlaɠaa da galanɉonŋaa di di yee hee di mu. Diɛn, mɛ̨nįɠaai kpɔ Yálá ə gɛ di yee hu, di gəlee hukulɔ diɛ.

Gɛlaɠaa 16:4

Daaɠaai Polə da Silasə di kɛli tɛɛ di hu, dɔnŋaai gɛlaɠaa da galanɉonŋaa di kaa Ɉerusalɛmə di naa, di kɛli ɉukulɔ, ɛlɛɛ, diɛ kɛ diɛ: Mąąnɛ̨ɛ̨ di di pɔ yíiɓo.

Gɛlaɠaa 21:18

Mąą yələ laa ɓoɔ, kwa Polə ni kwəli Ɉakə yəi bɛlɛ́n, nąą ɓə gbɔn ɉu kalanɉonŋaa di di ɲąąkpɔn naa.

Korɛntə dɔlɔɔ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun. Kwa gu nąn non Sostɛnə ɓə ɉɛɓɛ́i ŋɛ̨i tɛɛi,

Korɛntə veelɛ 11:5

Ɲą́ą́ gwə́i pələ, və́ tíkpə li, və́ tɛɛ, gɛla kpɛa-kpɛaɠaa tii diɛ, a diɛi ká kili kaa diɛ.

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.