Gɛlaɠaa 15:13 - Yálá laawoo hɛɓɛ (dc)

¹³ Yii kɛa di kpɛɛ a di woo hukulaa, nąąlɔwai Ɉakə yɛ diɛ: «Ną́n nonnii! 'Ka ká wəli tɔɔ mą́ą́!

Yálá laawoo hɛɓɛ

¹³ Yii kɛa di kpɛɛ a di woo hukulaa, nąąlɔwai Ɉakə yɛ diɛ: «Ną́n nonnii! 'Ka ká wəli tɔɔ mą́ą́!

Bible

¹³ Tãi dí kpɛ̀ɛ la a lónoɔɔi, Zĩi è lòno ǹyaa máŋ, ǹyɛɛi, “Sinâa da ŋánûa, ka káwoli tɔ́ɔ ŋ́oo ma.

Gɛlaɠaa 15:13 ပူးပေါင်းရင်းမြစ်များ

Markə 15:40

Nɛ̨áá taɠaa di kɛ tɔɔ ni kwɛa la, diɛ nąą kaa. Nɛ̨ąąɠaa tii lɔwai, Mari Magdala mun da Mari ŋɛ̨i kɛ a Ɉakə logolo da Ɉose, əlɛɛ, da Salome ni di lee di kɛ di pɔ.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Gɛlaɠaa 2:14

Piɛrə ə muhəɠə ə tɔɔ da mɛlaa pow kɔ́w tanɔ̨n ti, ə mo kpɔ a nwoo kɛnɛ̨ yɛ diɛ: «Káái ɓaa Ɉuifəɠaa, da nuąi di kaa ɓɛ Ɉerusalɛmə, ka ka wəli tɔɔ nwóó ɓa a nɛlɛɛ.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Gɛlaɠaa 2:29

«Ną́n nonnii, kwa pɛli kpɔ moi kaa a tɛ̨ą, kuɔ kaa: Gu kalaɓɔlɔ tɔɔmun Davidə aa haa, daa noo, gámą kaani háákələi gu lɔwai ɓɛ.

Gɛlaɠaa 21:18

Mąą yələ laa ɓoɔ, kwa Polə ni kwəli Ɉakə yəi bɛlɛ́n, nąą ɓə gbɔn ɉu kalanɉonŋaa di di ɲąąkpɔn naa.

Gɛlaɠaa 22:1

«Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Galatə 1:19

Və́ kpɛli gɛlaɠaa yiiɠaa ti tanɔ̨n gbɛli kaa, ə kulɔ lɔ, Ɉakə gu Nąmu kaayɔwɔ.

Galatə 2:12

Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Zĩi 1:19

Nąn nonnii nwɛ́likɛmąą nuą, ká káá a kilimąą nuą. 'Ká ká mąą hulɔ, mɛ̨nį mɛ̨n mɛ̨nį ɓa ɉa, kɛlaa, 'ká hvo humo a hvaa ɉa, 'ká hvo ká lííholi ɉa,