Gɛlaɠaa 15:1 - Yálá laawoo hɛɓɛ (dc)

¹ Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Yálá laawoo hɛɓɛ

¹ Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Bible

¹ Sinâa da-ŋa dí kùla Zuda dí pá Ɛŋtiɔ dí sɛŋ lɛ́ díƃarâai dîa. Dí mò dîa dîyɛɛ, “Fɛ̂ɛ dí kákpɛtɛ yɛ̂ɛ Mose ŋɔtɔ̂ŋ lá-wooi ma. À wàla kɛ́ tí, káfe pâi ƃâloi.”

Gɛlaɠaa 15:1 ပူးပေါင်းရင်းမြစ်များ

Levetekɔ 12:3

Voló mɛ̨ihaaɓa yələ, da nokolo hee kɛ́nɛ̨ ɓa.

Ɉaan 7:22

Moisə ɓə kɛ́nɛ̨ mɛ̨nį laa ka nwuɔ̨, kɛlaa, ya hvəə gɔwɔ tɔɔ; ka kalapɔlɔni ɓə gɔwɔ tɔɔ. Ɛlɛɛ, kaa kɛ́nɛ̨ hee a hvįįtɔɔ yələ.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 15:5

Kɛlaa, galan nɛa taɠaa, di gbɛa kɛ a Farisiɛ̨ɠaa, di həɠə di tɔɔ, diɛ mą: «Hvo kɛli da nu yiiɠaa ti hee kɛ́nɛ̨ ɓa, ɛlɛɛ, di Moisə nwɔ tɔ́n ɉɛɓɛ́ pɔ yíi ɓo.»

Gɛlaɠaa 21:20

Yii kɛa di nwooɠaai ti mɛ̨n, di Yálá hɛɠɛɛɓo yili pulu diɛ Polə ɓa: «Yáá gaa, Ɉuifə kpulu tamąą daa kɛ a laa na nuą, ə mą kɛ ti, di kanąnŋąa ni Moisə nwɔ́ tɔ́n ɓa.

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Galatə 2:1

Yili pulu, kwɛlan bow kɔw nąąn gulaa ɉu ɓə tɛɠa nwɔ̨nɔ̨ ŋą́ tɛ la Ɉerusalɛmə, kwa Barnabasə, ɛlɛɛ, Titə ə ɓo ku pɔ.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Galatə 6:12

Nuąi ká hɔlɔhimą ɓoi diɛ hvo kɛ li di ká hee kɛ́nɛ̨ ɓai, diɛ ɓə di kaa bɔ nuą di di mąątɛ̨nɛ̨; yii lɔ di kwəi ya ɓaa, di hvo mɔ̨nɔ̨ mįi Kristə nwɔ kolowaai mąą mɛ̨nį ɓa.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.