Gɛlaɠaa 14:27 - Yálá laawoo hɛɓɛ (dc)

²⁷ Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Yálá laawoo hɛɓɛ

²⁷ Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Bible

²⁷ Dí páai, dí Kôrai-toli-kpɔŋ su-ƃelai kélee ŋá tɛ̀ ma, dí m̀ɛnii kélee ƃó dîa Ɣâla è gɛ̀ a diai da berei è pere lá ƃò la Zɛ̃tai-ŋai dîɛ a gɛ́ɛ dí láa lai.

Gɛlaɠaa 14:27 ပူးပေါင်းရင်းမြစ်များ

Ɉaan 9:10

Nuąi diɛ mą: «Ə ɲɛ̨i ə hvolon bələ kɛ ləi?»

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Korɛntə dɔlɔɔ 11:18

Tɔlɔɔ, di mo mą́ą́ diɛ; ká kɛ ɲąąkpɔn ɉui, ka ká ɓɛlaɓo, ɛlɛɛ yaan, gáá tɛ̨ą kaai ɉu.

Korɛntə dɔlɔɔ 14:23

Akɛ, gbəli, ka ká ɲąąkpɔn Yálá hee pɛlɛ́i mu, hį́iwoo yii nu ta hvo gɔlɔn nu kəlee diɛ mo, nuąi di kaa ka woo mɛ̨n ɉi, a wala kɛti nuąi di hvo ka a kalan nɛa, da lɔ laa, di hva kɛ diɛ ka ɓowoi?

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 16:9

Mąąhɔlɔɓo, pələ kɛnɛ̨ laa aa ɓo gɛ́ kólo tɔwɔ, ɛlɛɛ ɲówoɠaa tamąąi.

Korɛntə dɔlɔɔ 5:4

Gu Ną́mu Jesus laa hu, da nwɔ Hééɓolaa laa hu, hvo kɛli ká kpɔn doo mɛ̨nįi tii ɓa, ŋą́ ɓo ká lɔwai a gíli.

Korɛntə veelɛ 2:12

Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;