Gɛlaɠaa 14:22 - Yálá laawoo hɛɓɛ (dc)

²² Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Yálá laawoo hɛɓɛ

²² Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Bible

²² Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Gɛlaɠaa 14:22 ပူးပေါင်းရင်းမြစ်များ

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Maafîu 10:38

Nui a wala nwɔ kolɔwa həɠə hvo hvilɛn búlú, a kɛ tii nwɔ́ nui ta hvəli.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Maafîu 19:24

Gáá pənəi ŋą́ mo kaa, hɛn gɔw nąmu lɔ laa walaai Yálá-taa tɔɔlaa hu ə tɛɛ hoo lɔi haliɛn nwolo hu ɓa.»

Markə 10:30

mąą nui tii a yili ɲɔ̨nwɔ̨mą nwun dɔ̨nɔ̨ hɔlɔɓo, ɓɛlɔwai gu kaa la ɲɛnɛ̨ɛ̨ ŋɛ̨i hu. A pɛlɛ́ɠaa hɔlɔɓo, ə nąn nonnii hɔlɔɓo, a neeni, ə mą kɛ nonnii, da nwɔ tii kɛ lɔiɠaa hɔlɔɓo bɛlɛɛ ɓɛlɛkpɛɛ mąą ɓa. Yili pulu, a yɛnɛ̨ɛ̨ kpɛɛ hvo mą hɔlɔɓo Yálá-taa tɔɔlaa hu.

Markə 9:47

Akɛ ə́ ɲɛ̨ikɔw tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, gulɔ yɛ́ bili, viɛlaɓoɔi ə́ ɲɛ̨ikɔw ə lɛɛ yɛ́ tanɔ̨n ə́ li Yálá-taa, ə tɛɛ ə nąą kəlee ŋąąpɛliɛ ɓa diɛ ə́ pili ɉahanama nwɔ̨n ɉu,

Lukə 24:26

Hvo kɛli kɛ Nwun mąąɓomun Yálá ə naakwɛlanmo, ə mɔ̨nɔ̨ mį́į́ tii, hvo tɛɠa kɛ lɔi nwɔ mąąwiɛ kɛnɛ̨ɛ hu.»

Ɉaan 15:18

«Yɛnɛ̨ɛ̨ wɛli kpɛɛ mąą laa kulɔ a kaai, ka gɔlɔn kaa, ɲą́ą́ ɓə nwɛ́li ə gbɛa kpɛɛ mą.

Ɉaan 15:20

Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Gɛlaɠaa 11:23

Lii kɛa ə mo, ə Yálá nwɔ nɛ̨ɛ̨laa kɛ kóló kaa, gwəi ə nɛ̨ɛ̨, ə di hvaŋąlɔ yɛ diɛ; 'Ká kanąn gu Nąmu ɓa a ka lii kəlee.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Gɛlaɠaa 14:20

Kɛlaa, pai galan nɛa di mo di mąątínɛ̨n, ə muhəɠə da diɛni di tɛ taai. Mąą yələ laa ɓoɔ, da Barnabasə di tɛɛ diɛ li Dɛrbe.

Gɛlaɠaa 14:28

Da laa na nuą di yíikuu tawolo kɛ laa di kee ɓa.

Gɛlaɠaa 15:32

Ɉudasə da Silasə diɛ kpɛlimąn, kɛi di mo a Yálá kwəi mɛ̨nį hukulɔ nuą, di galan nɛai ti liɛwooɓo kpɔ a ɉukwɛaa, di di hvaŋąlɔ.

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Gɛlaɠaa 18:23

Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Korɛntə dɔlɔɔ 1:8

Yaa tii ɓə pai ká huwalawalai, ə lɛɛ ɉu, mɛ̨nį kəlee laa kulɔ yələ ə ɉəli, káá pɛli kɛi a nuąi di mąąkulɔi hvo diɛ, a gu Ną́mu Jesus Kristə nwɔ hvolói.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Piɛrə dɔlɔɔ 2:21

Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Piɛrə dɔlɔɔ 5:9

'Ká tɔɔ na laa na laa hu, ká kili ə pu ɉu káá, bələ lɔ ɓə ká kaayɔɠaa kaa mɔ̨nɔ̨ mįi la yɛnɛ̨ɛ̨ nąą kəlee.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.