Gɛlaɠaa 13:50 - Yálá laawoo hɛɓɛ (dc)

⁵⁰ Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Yálá laawoo hɛɓɛ

⁵⁰ Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Bible

⁵⁰ Kɛ́lɛ, Zûu-ŋai dí Ŋ̀âla nɛyaa kpaya-kpayai da daa láa túɛ-ƃelai líi mu siɣe dí kpɔara sée Pɔ̂ɔ ma da Banaba, dí díkpɛ dílɔii su.

Gɛlaɠaa 13:50 ပူးပေါင်းရင်းမြစ်များ

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Amɔsə 7:12

Nąąlɔwai, Amasia ə mo Amɔsə ɓa, yɛ mą: «Yɛ́i ŋɛ̨i Yálá a kɛ mɛ̨nį lɛi yɛ́, həɠə ɓɛ yiihu, pu, ə́ li Ɉuda lɔi hu; naa nwɛi, ya li laa, ya kɛ Yálá mąą mɛ̨nį ɓoi nuą diɛ, yɛ́ kɔ̨nɔ̨n ɉɔlɔɓo yɛ́ mįi.

Maafîu 10:23

Akɛ da ka ɓɛlɛkpɛɛ kaa daa yiihu, 'ka pu, ka li da kpɛli hu. Gáá tɛ̨ą ɓoi kaa, ka hvo pai kpɛɛi a Israɛlə lɔi taaɠaa kəlee hu hiaa Nu Lon yɛ pa.

Markə 15:43

Nąąlɔwai, Ɉosɛfə Arimate daai mun, yáá kɛ a tɔ́nvili Nąmu ta yii mąąwiɛ, ə kɛ mą, yaa kpinįi ə kɛi Yálá-taa tɔɔlaa mąą kpɔn. Ə pa laa, ə nii kpələ ə lɔ Pilatə pɔ bɛlɛ́n, ə Jesus powa mąą mɛ̨nį hu hvɛli mą.

Markə 5:17

Nuą tii di nɛ̨ɛ̨mąą hvə Jesus ɓa diɛ mą: Ku kaa nɛ̨ɛ̨mąą hvəə yɛ́ kuɔ ə́ həɠə ɓɛ kuɔ lɔi hu.

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 14:2

Kɛlaa, Ɉuifə yiiɠaa lɔwai, di hvo gɛ di hvo laa di woo la, di nu takpɛliɠaa ɲąątɛ a yowolaa gu nąn nonnii ti diɛ.

Gɛlaɠaa 14:4

Daa ə mɛlaɓo ɉu hveelɛ, bələ tɔ̨nɔ̨ tɔɔ Ɉuifəɠaa pulu, bələ tɔ̨nɔ̨ tɔɔ gɛlaɠaa pulu.

Gɛlaɠaa 14:5

Ɉuifəɠaa da nuąi di hvo kɛ a Ɉuifəɠaa da di nwun nąmįną di naa di kwəi diɛ kɛ di bili nwɛa mɛ̨nį hu ɛlɛɛ, di gɛlaɠaa paa a kwɛnį.

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Gɛlaɠaa 17:12

Di tamąą di laa Yálá la, ə mą kɛ Grɛkə nɛ̨ąą kpɛa-kpɛaa da hinąą, di kpulu kɛnɛ̨.

Gɛlaɠaa 17:13

Kɛlaa, yii lɔ Tesalonikə Ɉuifəɠaa di bələ mɛ̨n diɛ Polə kaa nwɔ̨nɔ̨ Yálá lawoo laa həli Bere, di pa laa, nuą muhəɠə mɛ̨nį ɓa, da di hu pu mɛ̨nį ɓa diɛ.

Gɛlaɠaa 17:17

Ə kɛli mɛ̨nįɠaa ɓo Ɉuifəɠaa, da Grɛkəɠaai kɛi kwɛli hvilɛn Yálá ɓa, diɛ, di wɔ Yálá hvɛli pɛlɛ́i mu; hvoló tɛitɛi yee mu, ə kɛi da ɓo nuąi pa laa diɛ.

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Gɛlaɠaa 18:7

Ɉəɠɛɛ laa, ə li hulɔnu ta pɔɔli diɛ kɛ mą: Titiusə Ɉustusə yili ə kɛ a Yálá mąąwiɛmun, nwɔ pɛlɛ́i ə kɛ Yálá hvɛli pɛlɛ́ kwɛlɛ.

Gɛlaɠaa 2:5

Yaan, Ɉuifəɠaai Yálá wɛli kaa diɛ, di həɠə yɛnɛ̨ɛ̨ nąą kəlee di pa Ɉerusalɛmə a volói ti.

Gɛlaɠaa 21:27

Voló mɛ̨ihveelɛ laa kɛɛ pai kulɔi, Ɉuifəɠaai ŋɛ̨i kɛ Asi lɔi hu, di Polə kaa Yálá hee pɛlɛ́ mu. Di nu kpulu kɛnɛ̨ɛ̨ ɲąątɔɔ mą, di ɉon.

Gɛlaɠaa 28:17

Hvóló haaɓa kulaa ɉu, Ɉuifə kalanɉonŋaai kɛ laa, ə di təli. Ɓɛlɔwai di di ɲąąkpɔn na, ə mo diɛ, yɛ diɛ: «Ną́n nonnii, ɲą́ą́ ŋɛ̨i hvə́ hɔn da kɛ li yɛ hvilɛn na, gu wɔ tɔn ɓa, da gu yíi pələi gu ɉɔlɔɓo gu nąnni yəi, mą. Ɲą́ą́ ka, a gaho nąmu, ə həɠə kpɔ ɲələi di dɛ́ɛ́ la Romə holahiɠaa pɔ Ɉerusalɛmə.

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Lomaŋ 10:2

Mąąhɔlɔɓo, ŋą́ pɛli ŋą́ mąą kɛla hvaaɓo gɛ́ diɛ: Yálá mɛ̨nį kɛ kwəinɛ̨ɛ̨ kaa di hu; kɛlaa, di wɔ kwəinɛ̨ɛ̨i ti, mɛ̨nį kɔ́lɔn ŋąą, hvo ɉu pono li di yəi.

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Tɛsalonikə dɔlɔɔ 2:14

Yili ɓa tii, ną́n nonnii, Yálá ŋą kpɔnŋaai di kaa Ɉude, Jesus Kristə hu, káá di pɔɔ kɔɔn; hva gaai, káá kpɛlimąn, káá mɔ̨nɔ̨ mįi ká kaayɔwɔɠaa yəi, yɛ bələi diɛi tii di mįi la Ɉuifəɠaa yəi;

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.