Gɛlaɠaa 13:46 - Yálá laawoo hɛɓɛ (dc)

⁴⁶ Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Yálá laawoo hɛɓɛ

⁴⁶ Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Bible

⁴⁶ Kɛ́lɛ Pɔ̂ɔ da Banaba dí lòno kpɔ́ a lii-kpele pere, dîyɛɛi, “M̀aa nɛ̃ɛ̂i kɛ̀ a gɛ́ɛ Ɣâla ŋɔwóoi è ƃò kâa a maa-ŋuŋ. Kɛ́lɛ, káfe káyee seêni mu. Ka kákpîŋ lɛ̀ a gɛ́ɛ kámaa fé nɛ̃ɛ ní ŋ̀wɔ́lɔ-wɔlɔ fulu-laai mɛni ma. M̀ɛni ma, kúkaa nâa tínanîi Zɛ̃tai-ŋai pɔ́-naa pere.

Gɛlaɠaa 13:46 ပူးပေါင်းရင်းမြစ်များ

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Izikiɛ 2:5

Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Maafîu 10:6

Kɛlaa, 'ka li Israɛlə nuą yiiɠaai daa pili, ka di kwɛli.

Maafîu 21:41

Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Gɛlaɠaa 13:14

Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 13:5

Di həliɛ Salaminə, də li Yálá hvɛli pɛlɛ́ɠaa mu diɛ Yálá lawoo laa həli diɛ. Ɉaan-Markə ə kɛ di pɔ, yɛ kpɔnmąą tɛɛ di pɔ.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 28:28

«Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Lomaŋ 2:10

Nuąi da mɛ̨nį lɛlɛɛ kɛ, di wɔ ɓaa a: Mąąwiɛ, ɲɛ̨ipono da liilaa, ə gɔwɔ tɔɔ Ɉuifəɠaa diɛ, yili pulu, nuą di hvo a Ɉuifəɠaa.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.