Gɛlaɠaa 13:45 - Yálá laawoo hɛɓɛ (dc)

⁴⁵ Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Yálá laawoo hɛɓɛ

⁴⁵ Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Bible

⁴⁵ Kɛ́lɛ Zûu-ŋai kɛ́ɛ da gbɔŋ káai, dílaa è fɛ̀ɛ a tólo. M̀ɛni-ŋai Pɔ̂ɔ è mòi, dí ŋ̀á fàraŋ, díkɛ tɛ-ŋɛi kɛ̀.

Gɛlaɠaa 13:45 ပူးပေါင်းရင်းမြစ်များ

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Maafîu 27:18

Mąąhɔlɔɓo, Pilatə ə gɔlɔn yɛ nuą tii di Jesus hon a tolo, diɛ paa la bɔ.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 14:2

Kɛlaa, Ɉuifə yiiɠaa lɔwai, di hvo gɛ di hvo laa di woo la, di nu takpɛliɠaa ɲąątɛ a yowolaa gu nąn nonnii ti diɛ.

Gɛlaɠaa 14:4

Daa ə mɛlaɓo ɉu hveelɛ, bələ tɔ̨nɔ̨ tɔɔ Ɉuifəɠaa pulu, bələ tɔ̨nɔ̨ tɔɔ gɛlaɠaa pulu.

Gɛlaɠaa 14:5

Ɉuifəɠaa da nuąi di hvo kɛ a Ɉuifəɠaa da di nwun nąmįną di naa di kwəi diɛ kɛ di bili nwɛa mɛ̨nį hu ɛlɛɛ, di gɛlaɠaa paa a kwɛnį.

Gɛlaɠaa 17:5

Kɛlaa, Ɉuifəɠaa di tolo kulɔ a diɛ, di nu-kpoloonŋaa yɛɠɛ daa pɔ, di di ɲąąkpɔn a di kpulu; di daa kɛ lɔ ɉuwu-ɉuwu. Di li Ɉasɔn yəi bɛlɛ́ laaləi, diɛ Polə da Silasə di kwɛli, diɛ kɛ di li a diɛ kiti haɠa ɓa daa lonnii lii la.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 5:17

Ɉaláá laa həli mun gɛnɛ̨ da ɲee pɔ nuą; diɛ ɓaa: Sadusiɛ̨ɠaa, ɓɛlɔwai di yili kaa la ti, di líí ə holi kpɔ kɛnɛ̨ gɛlaɠaa pɔ.

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə veelɛ 11:26

Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.