Gɛlaɠaa 13:39 - Yálá laawoo hɛɓɛ (dc)

³⁹ Jesus háálai, nui lɔpee a mąą mɛ̨nį kaa a tɛ̨ą, mąą nu a dələnmolaai ti hɔlɔɓo, yɛ pɛli ɉu.

Yálá laawoo hɛɓɛ

³⁹ Jesus háálai, nui lɔpee a mąą mɛ̨nį kaa a tɛ̨ą, mąą nu a dələnmolaai ti hɔlɔɓo, yɛ pɛli ɉu.

Bible

³⁹ Zarâi ƃé ǹúui kélee a lâa lai ŋ̀uŋ ma ƃoɔɔ̂i mɛni-ŋai su, nyíi-ŋai Mose ŋɔtɔ̂ŋ fa núu ŋuŋ ma ƃo zui.

Gɛlaɠaa 13:39 ပူးပေါင်းရင်းမြစ်များ

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Zôo 9:20

Ŋą́ kɛ diɛ gáá a tɛ̨ą Nąmu, nááləi hva tɔɔ búlu. Ŋą́ kɛ diɛ ɉɔ́n və ɉu, a ɉɔ́n nɛ.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Lukə 10:25

Tɔ́n galamɔ̨ɔ̨ ta ə muhəɠə, əgɛ, ə Jesus hon vaa woo hu, ə mąąni kɛ yɛ mą: «Kalamɔ̨ɔ̨! Lə ɓə ŋą pɛli gɛi, ŋą yɛnɛ̨ɛ̨ hva kpɛɛi hɔlɔɓo Yálá-taa?»

Lukə 10:28

Jesus ə mo mą nąąlɔwai yɛ mą: «Yaa tɛ̨ą ɓo, akɛ, ya li ya gɛ, yɛ pələi tii ə́ mo lai, ya yɛnɛ̨ɛ̨ hva kpɛɛi hɔlɔɓo Yálá-taa.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Lomaŋ 10:10

Mąąhɔlɔɓo, nu a laa na nii hu, a kɛ a tələnmomun, ɛlɛɛ, yɛ́ mo a ə́ laaləi ə́ nwun mąą a ɓo.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 4:15

Mąąhɔlɔɓo lííholi a kulɔ dɔ́n ɉu. Ɓɛi tɔ́n və laa, mɛ̨nį kalaa hvo laa.

Lomaŋ 4:24

Nwoo ti ə ɓo guɔ kpɛli gu laa mɛ̨i, guɔi ŋɛ̨i gwaa laa Yálá la yai gu Ną́mu Jesus kulɔ haa yəi, ə gɛ, a vulú.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Lomaŋ 5:9

Ɛlɛɛ, yiihui ŋɛ̨i, aa gu mąąhəɠə la a ɲąmą, gu hvomun təɠa kɛ yii ŋɛ̨i kɛa, gaa pai gu nwun mąąɓoi la Yálá nwɔ lííholi yəi.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Lomaŋ 9:31

Yá pa, Ɉuifəɠaa kɛi tələnmolaa kwɛli tɔ́n ɉu, di tɛɠɛ gɛlɛ.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 2:19

Hvo gaai, nwɛ́i, ŋą́ą́ haa dɔn bɔ pələ, ə gɛ ŋą́ yɛnɛ̨ɛ̨ kɛ Yálá pɔ pələ. Kwa Kristə ɓə haa kolɔwa ɓa;

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

Galatə 5:3

Gáá pənəi ŋį́ mo nwɔ̨nɔ̨ káá, gɛ́ káá, nui a gbɔwɔ lɔ kɛ́nɛ̨ mɛ̨nį hu; mąąnɛ̨ɛ̨ mąą nu ə dɔ́n gəlee pɔ yíiɓo.

Hebreu 10:11

Yii kpɔ, ɉaláá laa həli nuą tɛitɛi, di kɛi tɔɔ a yələ kəlee, diɛ haláá huwu tanɔ̨n gbən kulɔ lɔ, geemɛ̨i pɔlɔɔ-pɔlɔɔ, yai hva pɛli kpɔ kɛ nɛ̨ŋɛ̨n gulɔi nuą diɛ,

Hebreu 10:4

Mąąhɔlɔɓo, niŋɛ̨ ɲąmą da ɓolu ɲąmą di hva pɛli nɛ̨ŋɛ̨nŋaa kulɔi nu ɓa.

Hebreu 7:19

Gbala ə tɔɔ, dɔ́n və pɛli mɛ̨nį kəlee laa kulɔi; kɛlaa kilitɔɔmąą laa hviɛlaɓoɔ aa pa, yaa ɉáálai, gwa pɛli gu gu mąąlɛɠɛ Yálá ɓa.