Gɛlaɠaa 13:36 - Yálá laawoo hɛɓɛ (dc)

³⁶ «Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Yálá laawoo hɛɓɛ

³⁶ «Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Bible

³⁶ Deeƃé è Ɣâla nia-mɛnii kɛ̀ gbɔ́ɔ tãi mai. È sàa dí nòo ŋɔnúu pɔlɔ-ŋai ƃolôŋ lá. Gbono è lula,

Gɛlaɠaa 13:36 ပူးပေါင်းရင်းမြစ်များ

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Tɔɔɓɛlaa dɔlɔɔ 2:10

Davidə ə laa ɲee tɔ̨nɔ̨ mɛ̨i, di noo Davidə taa.

Kɔlɔnikɔ Maa-ŋuŋ 11:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ɲąąkɔn ɉii, ɛlɛɛ, yɛ́ ɓə pai kɛi Israɛlə nwun na.›»

Kɔlɔnikɔ Maa-ŋuŋ 17:11

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Kɔlɔnikɔ Maa-ŋuŋ 18:14

Davidə ə heeɓo laa kɛ Israɛlə kəlee nwun na. Ə kɛi nwɔ nuąi hutɔɔ a tələnmolaa, da kwəi kwələlaa.

Kɔlɔnikɔ Maa-ŋuŋ 29:28

Ə nwɔ yɛnɛ̨ɛ̨ kɛ liilaa hu, mąąwiɛ laa hu da hɛn nąmu laa, ə pɔlɔ kpɔ a lɛlɛɛ, ə laa nąnni kwɛlɛ. Ɛlɛɛ non Salomɔn ə kɛ a tɔɔmun, a mąąhvalin.

Kɔlɔnikɔ Veerɛi 12:16

Roboamə ə laa nąnni kwɛlɛ, di loo Davidə taa. Non Abiya ə hee a tɔɔmun a nąn mąąhvalin.

Kɔlɔnikɔ Veerɛi 21:1

Ɉosafatə ə laa nąnni kwɛlɛ, di loo nąnni kwɛlɛ Davidə taa. Non Yoramə ə hee a tɔɔmun, a nąn mąąhvalin.

Kɔlɔnikɔ Veerɛi 26:23

Oziasə ə laa nąnni kwɛlɛ, di noo dɔɔɓɛlaa kámą la, kɛlaa hvo kɛ bɛlɛ́n nuą kámą la; hvo gaai, di kɛi kɛ diɛ: «Hvolóɲɔ̨n gɛmun ni!» Non Yotamə ə hee a tɔɔmun a nąn bɔɔyɔwɔi.

Kɔlɔnikɔ Veerɛi 9:31

Salomɔn ə laa nąnni kwɛlɛ. Di now Davidə taa nąn bɔɔli. Non Roboamə ə hee nąn bɔɔŋą a tɔɔmun.

Zôo 17:14

Gɛ́ kɛ gámą ɓa: «Yɛ́ ɓə a ną́n», koloɠaa di wɛi, gɛ́ kɛ diɛ: «Néé da mą́ą́hala.»

Zôo 21:26

Di kəlee da lɔ pɔlɔ mu, kolo ə pu di kəlee di hu.

Mąątɛ̨nɛ̨ 49:14

Nuąi da di kilitɔɔ diɛ, bələ ɓə di tínąą kaa la, a diɛi da di wəli tɔɔ di hvaa woo ɓa, diɛ di mąątɛ̨nɛ̨.

Mąątɛ̨nɛ̨ 49:9

Ə mą kɛ, nu aa wali kɛnɛ̨ kwɛlɛ nu nįį mɛ̨nį ɓa, nwɔ yɛnɛ̨ɛ̨ kaa lɔ pai kpɛɛi a yələ ta.

Maafîu 25:16

Nui ŋɛ̨i di nwali kwələ lɔɔli tɛɛ bɔ, ə li ə nɔɔli kwɛli ə bɛlɛ ma.

Ɉaan 11:39

Jesus yɛ diɛ: «Ka gwɛni həɠə gámą la.» Lazarə mąąhala Martə yɛ Jesus ɓa: «Ną́mu, gun gaa kɛa ma, mąąhɔlɔɓo, háá ɓaa voló nąąn.»

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Gɛlaɠaa 2:29

«Ną́n nonnii, kwa pɛli kpɔ moi kaa a tɛ̨ą, kuɔ kaa: Gu kalaɓɔlɔ tɔɔmun Davidə aa haa, daa noo, gámą kaani háákələi gu lɔwai ɓɛ.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Korɛntə dɔlɔɔ 15:18

Akɛ kani tii, nuąi haa Kristə hu laa hu, di nwun na aa pili.

Korɛntə dɔlɔɔ 15:6

Yili pulu, ə gbɔwɔ lɛ nąn nonnii nwun nɔɔli ɓa a gii, mɔlɔɓɛlaa kaa ni yɛnɛ̨ɛ̨, ɛlɛɛ, daɠaa daa haa.

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.