Gɛlaɠaa 13:23 - Yálá laawoo hɛɓɛ (dc)

²³ Davidə huwu hu ɓə Yálá ə Jesus kulɔ laa, yɛ gɛ a Israɛlə nwun mąąɓomun yɛ bələi ə naakwɛlanmo la.

Yálá laawoo hɛɓɛ

²³ Davidə huwu hu ɓə Yálá ə Jesus kulɔ laa, yɛ gɛ a Israɛlə nwun mąąɓomun yɛ bələi ə naakwɛlanmo la.

Bible

²³ Deeƃé ŋɔsuui su ƃé Ɣâla è m̀álo-nuui Zîsɛ kùla naa Eezuɛ-ƃelai mɛni ma, yɛ̂ɛ berei è wɔ́lɔ gono tèe lai.

Gɛlaɠaa 13:23 ပူးပေါင်းရင်းမြစ်များ

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Azaya 7:13

Nąąlɔwai, Esai yɛ mą: «Davidə yəi bɛlɛ́n nuą, ka ka wəli tɔɔ; bələi ka tɛɠɛɓoɔi la nu kanŋaa hvaa woo hu, yili hva ka líí laa, hvo kɛli nwɔ̨nɔ̨ ka gɛ tii a nwɔ́ Yálái?

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Maafîu 22:42

«Ka kɛ ka kiliɉaniɛ ləi Nwun mąąɓomun Yálá ə naakwɛlanmo mąą mɛ̨nį ɓa? Ka gaa, gaa a gbɛɛ huwu hu mun da?» Di nwoo ŋąąpənə diɛ mą: «Davidə lon ɉulɔnu li!»

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Ɉaan 7:42

Yaan, Yálá laawoo hɛɓɛ́ ə mo, yɛ mą: Nwun mąąɓomun Yálá ə naakwɛlan mo, gaa pai kulɔi Davidə huwu hu, yɛ həɠə Bɛtleɛmə Davidə pɔ taai.»

Gɛlaɠaa 13:32

Kuɔ kpɛli, nwəlɛɛ lɛlɛɛ ti ɓə ku paa la ka pɔ, yii wɔlɔ Yálá ə naakwɛlan mo ku kalaɓɔlɔni diɛ.

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.

Piɛrə veelɛ 2:20

Akɛ nuąi ŋɛ̨i daa kulɔ yɛnɛ̨ɛ̨ nwɔ túwɔ́ pələ ɲɔ̨n ɉu, gu Ną́mu da gu Nwun mąąɓomun Jesus Kristə kɔ́lɔn ŋąą pɔ, da pənə da di kpɔɔ lɛɛ laa, di lɔ dúwɔ́ pələ ɲɔ̨n ti hu, ə hee di mɛ̨i nwɔ̨nɔ̨ a nįnɛ̨, di kɛ pələ a ɲɔ̨n ə tɛɛ dɔlɔɔ ɓa.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»