Gɛlaɠaa 13:22 - Yálá laawoo hɛɓɛ (dc)

²² Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Yálá laawoo hɛɓɛ

²² Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Bible

²² Sɔ̂ɔ kúlaa naa mìi, è Deeƃé tɔ̀ɔ bɔ́ɔ ŋá a kâloŋ dímɛni ma. È m̀aa sere-faa kɛ̀ máŋ, ǹyɛɛi, ‘Ŋa Zɛse ǹóŋ Deeƃé káa. Gáa a ńii ma nuui. A pâi ńîa mɛni kélee kɛ̂i.’

Gɛlaɠaa 13:22 ပူးပေါင်းရင်းမြစ်များ

Samia Veerɛi 2:4

Ɉuda lɔi hu nuą di pa di nwulɔ lɔ Davidə ɓa, di gɛ a tɔɔmun Ɉuda nwɔ pɛlɛ́i nwun na. Nuą di pa diɛ Davidə ɓa: «Yavɛsə Galaadə lɔi hu nuą ɓə Saulə powa loo.»

Samia Veerɛi 7:15

Kɛlaa, nwóói ŋį́ gwɛlɛ vá ɲali bulu yaa tii mą, yɛ bələi ŋą́ gɛ la a Saulə, yai ŋą́ bili, gɛ́ ɉəɠə ə́ ɲɛ̨i tɔwɔ.

Samia Veerɛi 7:8

«Yiihu ŋɛ̨i, mɛ̨nįi ə́ kaa lii moi nwɔ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Kɔlɔnikɔ Maa-ŋuŋ 2:12

Boozə lon ma a: Ovɛdə. Ovɛdə lon ma a: Ɉɛse.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Ɉeremi 33:21

akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Izikiɛ 34:23

Gáá pai taatɛlɛɛ mɛ̨i kaamun danɔ̨n gbən tɔɔi, nwɔ́ taatɛlɛɛɠaai nwun na, nwɛi, gaa pai kɔ̨nɔ̨n dɛɛi di pɔ; nwɔ́ tímun Davidə ɓə. Nwɛi, gaa pai ɲɛ̨i kɛi diɛ, ya ɓə pai kɛi a di laa hɔn mo mun.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Gɛlaɠaa 15:8

Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Samuɛlə dɔlɔɔ 12:25

Kɛlaa, ka túwɔ́ a ɲɔ̨nwɔ̨ɔ̨, a ka kalaɠala ka ká wɔɔ tɔɔmun ni.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»

Samuɛlə dɔlɔɔ 15:26

Samuɛlə yɛ Saulə ɓa: «Və́ hvilɛn ɉii ə́ pulu, gwa yɛ́ gu hvo li, mąąhɔlɔɓo, yáá lənə Yai-Laa woo ɓa, Yai-Laa aa lənə yɛ́, hvo kɛa a Israɛlə tɔɔmun.»

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 28:16

Samuɛlə yɛ mą: «Akɛ Yai-Laa aa mąą kwɛa yɛ́, yɛ ɲɛ̨i ɲɔ̨nwɔ̨ɔ̨ hee yɛ́? Maaləngɛ mɛ̨nį ə́ yəi nwun maa lə?

Samuɛlə dɔlɔɔ 31:6

Bələ ɓə Saulə da nonnii haaɓai bɛlɛɛ nwɔ ɓíítiɛ̨i ɓa, da Saulə nwɔ nuą kəlee di haa la a voló tɔ̨nɔ̨i tii.