Gɛlaɠaa 12:7 - Yálá laawoo hɛɓɛ (dc)

⁷ Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Yálá laawoo hɛɓɛ

⁷ Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Bible

⁷ Kúnuu-namui Ŋɔɣâla-taa-kela tɔnɔ è pà Pitɛ pɔ́ gbini-pɛrɛi mu. Nàa è pono kpɔ́ a ŋ̀ánaa. È Pitɛ lòkwa bɛ́rɛ ma é ŋ̀ɛ́i lá ƃo, ǹyɛɛ mài, “Ímu siɣe a maa félaa.” Ǹyɔlɔi kélee è tèe ǹyée ma é pu ǹɔii ma.

Gɛlaɠaa 12:7 ပူးပေါင်းရင်းမြစ်များ

Samia Veerɛi 22:29

Yai-Laa, yɛ́ ɓə ə́ kaa a nwɔ́ kɛɛ pɔ̨nɔ̨. Yai-Laa a nwɔ́ kpįnįi hu pɔ̨nɔ̨.

Tɔɔɓɛlaa dɔlɔɔ 19:5

Yili pulu ə laa nwulu nįnįn mu, yíi ə tɛɛ la. Kɛlaa, malaka ta ə nwun, yɛ mą: «'Ə́ muhəɠə, ə́ kɔ̨nɔ̨n mįi, ə́ ə́ kpələ.»

Tɔɔɓɛlaa dɔlɔɔ 19:7

Kɛlaa, Yai-Laa nwɔ malaka ə pənə nwɔ̨nɔ̨ ə pa, ə nwun, yɛ mą: «'Ə́ muhəɠə ə́ kɔ̨nɔ̨n mįi, mąąhɔlɔɓo, bələi ə́ pai ɉon ɉii la gwɛaai.»

Mąątɛ̨nɛ̨ 107:14

Ə di kulɔ kpinį yəi, da nwun na pili kpinį yəi, ə di wɔ kpɔnɔ̨ɠaa tee diɛi.

Mąątɛ̨nɛ̨ 116:16

Nɛ̨ɛ̨ yɛ́ Yai-Laa, mąąhɔlɔɓo gáá a ə́ wɔ tímun, gáá a ə́ wɔ luwɔnɛ̨ąi lon ɉulɔnu; yaa ɲíli yɛliɠaa hvoloon.

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Mąątɛ̨nɛ̨ 68:6

Təlilɛa di Nąn ni, kalanįnŋaa di wɔ tɛ̨ą ɓomun ni, Yálá li! Bələ ɓə gaa la, nwɔ pɛlɛ́ mąąhəɠɛɛi mu.

Azaya 37:30

Mɛ̨nįɠaai tii kɔ́lɔn ɉɛŋąą ka ɲɛ̨i ə́ yəi: Gwɛlan ŋɛ̨́i yeemu, di kaa pai mɔ̨nun gbán ɉu mɔ̨nun mįi, gwɛlan ɲii tii bulu, mɔ̨nun a tiliin gbɔwɔ ɓa yili ɓə da mįi, Kɛlaa gwɛlan ɉaaɓa nąn, 'ka mɔ̨nun ɉin, 'ka dee, 'ka hihɛn ɲɛa laa, ka mą mįi.

Azaya 60:1

Ɉerusalɛmə, 'haŋąn ə tɔɔ, 'kɛ a kɛɛ pɔ̨nɔ̨, mąąhɔlɔɓo, ə́ wɔ kɛɛ pɔ̨nɔ̨i kaa pai, Yai-Laa nwɔ mąąwiɛ aa muhəɠə, yɛ pa ə́ mɛ̨i.

Ɉeremi 40:1

Ɓói dɔɔmun mąąkpɛ kɔ́kulááɠaa nwun nąmu Nebuzaradan ə mo Ɉeremi ɓa Rama daai, mąąhɔlɔɓo, ya ɓə ɲɛ̨i ə kɛ Ɉeremi ɓa, ɓɛlɔwai yili ə kɛ la yɛli ŋą, da mɛlaa gaho nąmįną diɛi kɛ a Ɉerusalɛmə da Ɉuda nuąi kɛi pa lii a diɛ Babilonə; Yai-Laa woo ə həli Ɉeremi ɓa.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Habakukə 3:11

Ə́ wɔ mɛ̨ɛ̨kɔwɠaa da kɛ koon ɉi, di wɔ kɛɛ pɔ̨nɔ̨ hu, ə́ wɔ kpalaɠaai di wɔ kɛɛ pɔ̨nɔ̨ kɛnɛ̨i hu ɲɛ̨i tɔwɔ, hvóló da ɲąnin di hva hiɛ.

Habakukə 3:4

Nwɔ kɛɛ pɔ̨nɔ̨ yɛ hvóló kpɔ kpə kpə. Kɛɛ pɔ̨nɔ̨ yɛ kulɔ ɲee hveelɛi ɲą gbaalən yɛ taɠa. Naa ɓə a nwɔ huwalawala nwun gulɔi.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Lukə 2:9

Ną́mu ŋą malaka tɔ̨nɔ̨ ə gbɔwɔ lɛ diɛ, Ną́mu nwɔ mąąwiɛ ə di mąą pono, di ɲɔ̨w kpɔ kɛnɛ̨.

Lukə 24:4

Di kwəi ə pili diɛ nąąlɔwai, di həɠə kwəlɛɛ nąmįną hveelɛ kaa,

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Gɛlaɠaa 12:6

Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Gɛlaɠaa 12:8

Yili pulu, malaka yɛ mą: «'Ɲala tɔɔ! 'Gɔ́lɔ lɔ!» Piɛrə ə gɛ ti, malaka yɛ nwɔ̨nɔ̨ mą: «'Yɛ́ biliɉui pili ə́ kala ɉu, 'ə́ hvilɛn búlú.»

Gɛlaɠaa 16:26

Di lɛɛ lɔ laa, lɔ tii ɲąąɓa, nɔi ə kpɛlin gbɔ a nwalawalaa, bɛlɛ́ kɔwɔ hvilɛn ɉii ə kpɛlin. Gbon gəlee laa ə ɓo nąąlɔwai, gaho nąmįną kəlee di wɔ kpɔnɔ̨ɠaa di tee diɛ.

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Gɛlaɠaa 5:19

Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Gɛlaɠaa 9:3

Gɛɛ bələ pɔ yɛ li, nɛɠɛɛ kɛa Damasə daa ɓa, ɲąąɓa, kɛɛ pono ta ə kulɔ yələi pələ lɔ wúlú, ə mąą tinɛ̨n.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

M̀ɛni-lɛɛi 18:1

Yili pulu, ŋį́ malaka takpɛli kaa, yɛ həɠə yələi. Hvaŋą kɛnɛ̨ ta ə ɓo ɲəi, ɛlɛɛ, lɔi mɛ̨i ə pono a mąąɲįnɛ̨n.