Gɛlaɠaa 11:3 - Yálá laawoo hɛɓɛ (dc)

³ Diɛ kɛ mą: Lə ɓə kɛ, yai ə́ lɔ kɛ́nɛ̨ kpolowaɠaa yəi bɛlɛ́n, ɛlɛɛ, ka diɛni kaa kɔ̨nɔ̨n mįi gee ɓa?

Yálá laawoo hɛɓɛ

³ Diɛ kɛ mą: Lə ɓə kɛ, yai ə́ lɔ kɛ́nɛ̨ kpolowaɠaa yəi bɛlɛ́n, ɛlɛɛ, ka diɛni kaa kɔ̨nɔ̨n mįi gee ɓa?

Bible

³ dîyɛɛi, “Í lì diai pɔ́-naa dífe kpɛtɛ ní ka dîa-ni ka kálaa míi gîe ma lé mɛni ma?”

Gɛlaɠaa 11:3 ပူးပေါင်းရင်းမြစ်များ

Maafîu 9:11

Yii kɛa Farisiɛ̨ɠaa di yili nąą kaa tii, di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka kalamɔ̨ɔ̨, da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą, di yee kaa kɔ́wɔ tɔ̨nɔ̨ hu?»

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Ɉaan 18:28

Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.

Gɛlaɠaa 10:23

Piɛrə ə di lɔ bɛlɛ́n, ə di nwɛ̨ąlaa kɛ. Mąą yələ laaɓoɔ, da diɛni di bələ həɠə diɛ li, Ɉope kalan nɛa taɠaa di lɛɛ Piɛrə pulu da diɛni də li.

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 10:32

Nu ta tɔɔ ə li Ɉope daai, Simɔn, naa mɛ̨i hee ɓaa: Piɛrə, ə dəli ə pa. Gaa gɔlɔtɔɔmun da kɛ mą Simɔn ɲei bɛlɛ́n, gboloyá kwɛlɛ.›

Gɛlaɠaa 10:48

Piɛrə ə mo yɛ di di mąąwaa Jesus Kristə laa hu. Nuą ti di ɉuhvɛli Piɛrə ɓa, diɛ mą: gu yíikuu tawolo kɛ ni gu kee ɓa.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Galatə 2:12

Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.