Gɛlaɠaa 11:14 - Yálá laawoo hɛɓɛ (dc)

¹⁴ Mɛ̨nįɠaai pai pai ə́ wɔ pɛlɛ́i pɔ a ɓalo mɛ̨nį, a pa, gaa pai ɉukulɔi yɛ́.

Yálá laawoo hɛɓɛ

¹⁴ Mɛ̨nįɠaai pai pai ə́ wɔ pɛlɛ́i pɔ a ɓalo mɛ̨nį, a pa, gaa pai ɉukulɔi yɛ́.

Bible

¹⁴ A pâi worɛ̂-woo-ŋa ƃôi yâ, nyíi pâi íƃalôi da ka ípɛrɛi mu-ƃelai kéleei.’

Gɛlaɠaa 11:14 ပူးပေါင်းရင်းမြစ်များ

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mąątɛ̨nɛ̨ 112:2

Nonnii da kɛ ɓɛ yɛnɛ̨ɛ̨ a nu walawalaɠaa, lúwɔ́ a kɛ tələnmo nuą huwu ɓa.

Hanwon 20:7

Tələnmomun a nwɔ yɛnɛ̨ɛ̨ kɛ a ɉaŋąą, nonnii da lɛɛ bulu, di kaa a nwun na nɛ̨ɛ̨ nuą.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Markə 16:16

Nui a laa na, da mąąwaa, nwun mąą a ɓo. Nui a wala laa na, nwun na a pili.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Ɉaan 12:50

Ɛlɛɛ, ŋą́ gɔlɔn gɛ́ nwɔ tɔ́n nwoo kaa a ɓalo hva kpɛɛ. Yii Ną́n ə bu ná, ya ɓə gáá moi.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 4:53

Nokoloi tii nąn ə gɔlɔn yɛ diɛ nąąlɔwai kpɔ lɔ ɓə wɛi Jesus ə kɛ la ma: «Ə lon gɔlɔi a pono.» Ɉulɔnui tii da ɲei bɛlɛ́n nuą kəlee di laa Jesus la.

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 10:6

Gaa kɔlɔtɔɔmun da yəi bɛlɛ́n, da kɛ yaa kpɛli mą Simɔn. Nwɔ pɛlɛ́i kaa gboloyá kwɛlɛ.»

Gɛlaɠaa 11:13

Bələi ə malaka kaa la ɲəi bɛlɛ́n, yɛ kɛ mą: Nu ta tɔɔ Ɉope ə mo Simɔn, naa mɛ̨iheɛ a Piɛrə mą, ə pa, ɉulɔnui ti ə ɉukulɔ kuɔ.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Gɛlaɠaa 18:8

Krispusə, yai a Yálá hvɛli pɛlɛ́ nwun nąmu, ə laa gu Ną́mu Jesus la da ɲee bɛlɛ́n nuą, ɛlɛɛ, Korɛntə daai nuą tamąą, diɛi kɛi di wəli tɔɔ Polə woo ɓa, di laa Jesus la, di di mąąwaa.

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Korɛntə dɔlɔɔ 1:16

Oowei, gaa a tɛ̨ą ɲą́ą́ ɓə nwɔ̨nɔ̨ Stefanasə yəi bɛlɛn nuą mąąwaa. Və́ gɔlɔn a kɛ ŋą́ nu takpɛli mąąwaa yiliɠaai pulu.