Gɛlaɠaa 11:1 - Yálá laawoo hɛɓɛ (dc)

¹ Gɛlaɠaa da nąn nonnii yiiɠaai kɛ heeni Ɉude lɔi hu, di mɛ̨n diɛ huwu takpɛliɠaa daa di yee hee Yálá lawoo mu.

Yálá laawoo hɛɓɛ

¹ Gɛlaɠaa da nąn nonnii yiiɠaai kɛ heeni Ɉude lɔi hu, di mɛ̨n diɛ huwu takpɛliɠaa daa di yee hee Yálá lawoo mu.

Bible

¹ Zia-ƃelai da díƃarâai kɛ̀ Zudai, dí mɛ̀ni a gɛ́ɛ Zɛ̃tai-ŋai máŋ da Ɣâla ŋɔwóoi mɛ́ni.

Gɛlaɠaa 11:1 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 62:2

Hįį kəlee kaa pai ə́ wɔ tələnmo mɛ̨nį kaa, tɔɔɓɛlaa kəlee diɛ ə́ wɔ mąąwiɛ kaa. Di kaa pai laa ninɛ̨ heei yɛ́, yai pai kulɔi Yai-Laa lá.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Osia 2:23

Yai-Laa woo ka, yɛ diɛ: Nąąlɔwai, mɛ̨nįi yələkɔlɔn ɲɛ̨i kaa dɔwɔ, ŋą́ dɛɛ bɔ; yaa kpɛli, mɛ̨nįi lɔi ɲɛ̨i kaa dɔwɔ, yɛ dɛɛ bɔ.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Sofoni 3:9

Nąąlɔwai, gáá pai hį́i takpɛliɠaa laawulun mąą pənəi, a laawulun mąąhəɠɛɛ, ə gɛ, diɛ pɛli Yai-Laa təlii a naa, diɛ vɛli, diɛ tí mą a gee.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Maafîu 8:11

Gáá tɛ̨ą ɓoi kaa, hį́i takpɛliɠaa kaa pai həɠəi hvóló kulɔi da hvóló tooi pələ, da Abrahamə, Isaakə, əlɛɛ, da Ɉakɔbə ni diɛ kɔ̨nɔ̨n mį́į́ gee ɓa Yálá-taa tɔɔlaa hu.

Markə 16:5

Di həliɛ kɛa gámą la, di gámą hu kaa, hulɔnu da yɛ ɓo heeni gámą hu ɓa-mįi-yee hu pələ, həɠə kwəlɛɛ yɛ ɓo gwaną. Nɛ̨ąą tii di ɲɔ̨w kpɔ a mɔlɔɔ.

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 15:3

Antiɔsə kalan gbɔn ə ɉiɛ kulɔ wali kɛ. Di tɛɛ Fenisi lɔi da Samari lɔi hu pələ. Diɛ huwu takpɛliɠaa lɔ mɛ̨nį kalan ɉu, hukulɔ, diɛ gu nąn nonnii kəlee kwəinɛ̨ɛ̨ a yili.

Gɛlaɠaa 28:15

Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.