Gɛlaɠaa 10:4 - Yálá laawoo hɛɓɛ (dc)

⁴ Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Yálá laawoo hɛɓɛ

⁴ Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Bible

⁴ Kɔniliɔ kɛ́ɛ a ŋ̀ɛ́i kpamo mài, è yào, ǹyɛɛi, “Lé ƃe, Kúnuu-namui?” Ŋ̀âla-taa kelai ǹyɛɛ mài, “Íɣâlai a ífɛli-wooi mɛni da íkpɔŋ-maai kɛ́ pere maa mɛni. A gbɛtɛ a gɛ́ɛ é íwoo su too.

Gɛlaɠaa 10:4 ပူးပေါင်းရင်းမြစ်များ

Kɔlɔnikɔ Veerɛi 32:24

Mąą lɔwai tii hu, ɲɔ̨n ə pɛlɛ Ezekiasə ɓa, yɛ kɛ ə baa. Ezekiasə ə Yai-Laa hvɛli, Yai-Laa ə nwoo pulu pənə a kpalo mɛ̨nį.

Kɔlɔnikɔ Veerɛi 6:33

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ nwoo ɓa, mɛ̨nįi gaa ɉuhvɛlii Yɛ́, gɛ mą. Əgɛ, yɛnɛ̨ɛ̨ lɔiɠaa kəlee, di Ə́ laa kɔ́lɔn, diɛ ɲɔ̨w Yɛ́, yɛ bələi Ə́ wɔɔ nu huwu Israɛlə a ɲɔ̨w la Yɛ́, ɛlɛɛ, di kili ə pu diɛ kɛ, bɛlɛ́i ŋɛ̨i ŋį́ dɔɔ, mu ɓə da Ə́ təli laa a Ə́ laa.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Mąątɛ̨nɛ̨ 20:3

Ə lɛɛ nwɔ pɛlɛ́ mąąhəɠɛɛi mu ə kpɔn ɲɛ́, ə lɛɛ Siɔn ə ɲee hee ə́ mu.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Danîa 10:11

Nui tii ə mo mą́ą́, yɛ mą́ą́: «Daniɛlə, ə́ wɛli kaa Yálá ɓa, gɛ pələ kwɛli mą, nwooɠaai ŋɛ̨i gáá moi yɛ́, ə́ ŋąą kaa. Həɠə ə́ tɔɔ, mąąhɔlɔɓo, yɛ́ bə ŋą́ pa ə́ pɔ háákələi.» Ə mo lɔ tii, ŋą́ muhəɠə ŋą́ tɔɔ, mą́ą́ yɛ ni kpɛlin.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Maafîu 26:13

Gáá moi kaa a tɛ̨ą, ɓɛi lɔpee di kaa pai kɛi mą́ą́ wəlɛɛ lɛlɛɛ laa həli la, di kaa pai nɛ̨ɛ̨nu ŋɛ̨i mąą mɛ̨nį ɓoi, diɛ nwɔ mɛ̨nį lɛlɛɛ mɛ̨nį ɓo.»

Lukə 1:29

Ɓɛlɔwai Mari ə nwoo pili mąą woo tii mɛ̨n na, gwəi ə pili mą, yɛ kɛ diɛ: nwoo pili mąą huwui ŋɛ̨i mukulaa ɓaa a lə?

Lukə 24:5

Di ɲɔw kpɔ kɛnɛ̨, di pɛlɛ nɔi ɓa. Nuą tii di mo diɛ, diɛ diɛ: «Lə mɛ̨nį ɓa ka káá nu húlu kwɛlii nu powaɠaa lɔwai?

Gɛlaɠaa 10:31

Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Gɛlaɠaa 14:9

Ɉulɔnui ti ə nwəli tɔɔ kpɔ Polə woo ɓa a nɛlɛ. Polə ə gaa yɛ diɛ laa na laa kaa ɲei, yɛ pɛli gɔlɔi ponoi.

Gɛlaɠaa 22:10

Gɛ́ mą: ‹Ną́mu! Ɲą́ą́ ká! Lə ɓə yɛ́ ŋį́ gɛ?› Ya ɓə gu Nąmu a kɛ mą́ą́: ‹'Ə́ muhəɠə, 'tɛ́ Damasə, mɛ̨nįi mąąnɛ̨ɛ̨ ə́ gɛ, di kaa lii nɛi yɛ́.›

Gɛlaɠaa 3:4

Piɛrə da Ɉaan di di ɲɛ̨i hee kpɔ mą hįį, yili pulu, Piɛrə yɛ ɉulɔnui ti ɓa: «Ə́ ɲɛ̨i hee kuɔ!»

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

M̀ɛni-lɛɛi 8:4

Ɛlɛɛ, nwulɔ kun-nɛ̨ɛ̨i tii nulu yɛ həɠə malakai yee ɲą, yɛ tɛ Yálá liila, ə pɛlɛ la nu mąąhəɠɛɛɠaa di wɔɔ hvɛli wooɠaa diɛ.

Samuɛlə dɔlɔɔ 3:10

Yai-Laa ə pa, ə tɔɔ Samuɛlə lííla, ə dəli yɛ bələi ə kɛi yiiɠaa tii kɛ la, yɛ mą: «Samuɛlə! Samuɛlə!» Samuɛlə yɛ mą: «Ną́mu, yii yɛ́ mo mą́ą́, mo; yɛ́ luwɔ hilɛ wəli tɔɔi.»