Gɛlaɠaa 10:31 - Yálá laawoo hɛɓɛ (dc)

³¹ Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Yálá laawoo hɛɓɛ

³¹ Yɛ mą́ą́: ‹Kɔrnɛyɛ! Yálá hvɛlii yá kɛ moi, aa mɛ̨n, mɛ̨inɛ̨ɛ̨i yá kɛ gɛi nuą diɛ, hvo lɛ̨ą li mą.

Bible

³¹ Ǹalôŋ ŋí è mo ḿâ, ǹyɛɛ, ‘Kɔniliɔ, Íɣâlai a ífɛli-wooi mɛni da gbɔŋ mâai yâ gɛ̂i maa tuŋ. A pá ífɛli-wooi su-toôi.

Gɛlaɠaa 10:31 ပူးပေါင်းရင်းမြစ်များ

Azaya 38:5

«'Li, yɛ́ Ezekiasə ɓa: Yai-Laa, ə́ nąn Davidə nwɔ Yálái yɛi: Ŋą́ą́ ə́ wɔ hvɛli wooi mɛ̨n, ŋą́ą́ ə́ ɲɛ̨i yá kaa. Gáá kwɛlan bow kɔ́w lɔɔli pɛlɛi ə́ wɔ yɛnɛ̨ɛ̨ ɓa.

Danîa 10:12

Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Danîa 9:23

Ɓɛlɔwai tii ə́ gɔwɔ tɔɔ la yɛ Yálá mąąnɛ̨ɛ̨, Yálá ə wɛlɛɛ ta ɓo ya ɓə ŋą́ pa moi yɛ́, mąąhɔlɔɓo, ə́ wɛli kaa Yálá ɓa. Tɔɔ a ə́ nwąnąąi, ə́ nwɛlɛɛ ŋɛ̨i mɛ̨n, gɛɛ ŋɛ̨i yaa gaa, ə́ mukulaa kaa.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 2:9

Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 5:12

A paa la ɉaláá laa həli mun bɔ, yili a ɲee hvɛɛ ɉu, a kili too ŋą haláá. Ə gələn ɉaláá kulɔ kəhi mɛ̨i, ə bɛlɛ Yai-Laa nwɔ haláá kɔ̨nɔ̨nŋąą diɛ, nɛ̨ŋɛ̨n mąąhvaalɛɛ haláá li.

Lukə 1:13

Kɛlaa, malakai tii yɛ mą: «Zakari hvo ɲɔw, mąąhɔlɔɓo, Yálá aa ə wɔ hvɛli woo mɛ̨n aa bulu pənə. Yili ɓa, ə́ nɛ̨ą Elisabɛtə kaa pai lon ɉulɔnu hɔlɔɓoi, ə́ naa hee a Ɉaan.

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.

Gɛlaɠaa 10:32

Nu ta tɔɔ ə li Ɉope daai, Simɔn, naa mɛ̨i hee ɓaa: Piɛrə, ə dəli ə pa. Gaa gɔlɔtɔɔmun da kɛ mą Simɔn ɲei bɛlɛ́n, gboloyá kwɛlɛ.›

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.