Gɛlaɠaa 10:14 - Yálá laawoo hɛɓɛ (dc)

¹⁴ Piɛrə ə nwoo ɲąąpənə yɛ mą: «Oo Ną́mu! Və́ hvaa li mą! Mąąhɔlɔɓo, nwɔ́ yɛnɛ̨ɛ̨ kəlee yee mu, hɛnŋąai mąą hvo həɠə li, di kɔ́hɔɓoɔ, və́ ta da mįi li.»

Yálá laawoo hɛɓɛ

¹⁴ Piɛrə ə nwoo ɲąąpənə yɛ mą: «Oo Ną́mu! Və́ hvaa li mą! Mąąhɔlɔɓo, nwɔ́ yɛnɛ̨ɛ̨ kəlee yee mu, hɛnŋąai mąą hvo həɠə li, di kɔ́hɔɓoɔ, və́ ta da mįi li.»

Bible

¹⁴ Kɛ́lɛ, è mò mà, ǹyɛɛi, “Vé ti, Kúnuu-namui, kpɛ́ni fêi, fé niî mii-sɛŋ da kélee mii ní nyíi ƃâa fé ma, maa fé waa níi.”

Gɛlaɠaa 10:14 ပူးပေါင်းရင်းမြစ်များ

Zɛnɛse 19:18

Lɔtə ə nwoo ŋąąpənə, yɛ mą: «Ną́mu, nąą kwɛai, vá pɛli mą.

Lɛɛ gbɔwɔ ɓa 10:11

Yili hvo pai pɛlii; kaai a ɉinąą 'ka li ka kwɛli hvilɛn Yai-Laa ɓa. Hvo gaai yili lɔ ɓə ka káá ɉu hvɛli.» Ə kɛ lɔ tii, diɛ Moisə da Aarɔn di kpɛ tɔɔmun nííla.

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Izikiɛ 44:31

Huwɔi aa haa gbɔwɔ ɓa, a wala kɛ tii daa ɉu ɓɛla, ə kɛ a nwɛ̨nį, ə kɛ a huwɔ takpɛli, ɉaláá kulɔ nuą di hvo da mįi.»

Danîa 1:8

Daniɛlə ə giliŋąhiɛ, yɛ diɛ: «Mąą hvo nɛ̨ɛ̨li hvo gbɔwɔ kɔ́hɔɓo a tɔɔmun nwɔ laa mį́i hɛn, da nwɔ lɔɔi a kɛ gbələi.» Yili bə gɛ ə li, ə ɉu hvɛli gbɛtɛgbuwulu nwun nąmu ɓa, yɛ mą: «Və́ bɔ və́ gɔ́hɔɓo a gɔ̨nɔ̨nŋaai tii.»

Levetekɔ 20:25

Yili ɓa, huwɔɠaai tɔ́n gaa diɛ, da yiiɠaai tɔ́n və diɛ, nwɛ̨niɠaa tɔ́n gaa diɛ, da yiiɠaai tɔ́n və diɛ, mąąnɛ̨ɛ̨ ka kɛ a di kulɔ nɔwai kɔ́lɔn ŋąą, əgɛ, ka hvo pa nəi tɔ́n bɛlɛ ka kpɔwɔ ɓa a ɉuwɔɠaai tii ta, da nwɛ̨niɠaa tii ta laa pɔɔ, da yiiɠaa kpɔ da tɔ́n bɛlɛ nu ɓa, diɛ hiɛ lɔi mɛ̨i. Ŋą́ di kulɔ nɔwai lɛ tii kaa, əgɛ, ka kɛ a di kɔ́lɔn ŋąą.

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Maafîu 16:22

Yili pulu Piɛrə ə Jesus təli di nu hveelɛi kɛɛnąą, yɛ niɛwoo kɛ, yɛ kɛ mą: «Yálá ə ə́ mɛ̨i kaa, yili hvo pai həli yɛ́.»

Maafîu 25:9

Gilimąą nɛ̨ą lɔɔlii tii, diɛ di ɓɛlaa diɛ: ‹Kpaa! Mąąhɔlɔɓo, yii gaa ku yəi hvo kɛnɛ̨ li, hva pɛli gu kəlee guɔ labonŋąai hu. Kaa mun, ka li ɲɔ̨w kɛ nuą tii pɔɔli ka da ya.›

Maafîu 8:2

Nąąlɔwai, hvólóɲɔ̨n gɛmun da ə pa ə pɛlɛ gɔɠɔ mu, yɛ mą: «Nwɔ́ mɛ̨nį Nąmu, ŋį́ gɔlɔn gɛ́ yá hvaa mą, yá pɛli ə́ gɔ́lɔi pono, ə́ mą́ą́həɠə.»

Markə 7:2

Yii kɛa di gaa diɛ Jesus nwɔ kalan nɛai taɠaa di kaa kɔ̨nɔ̨n mįi a di yee ŋą kpan (mukulaa ɓaa: di hvo di yei waa li yɛ pələi di wɔ huwula tɔ́n gaa la.)

Lukə 1:60

Kɛlaa, nee hvo hvaa mą, yɛ diɛ: «Naa ɓaa a: Ɉaan.»

Ɉaan 4:11

Nɛ̨ɛ̨nui tii yɛ Jesus ɓa: «Ną́n ɲá lɔwai ŋɛ̨i hu kwɛaai, ə lɛɛ, ya kulɔ hɛn da hvo ə́ yəi, ya yɛnɛ̨ɛ̨ kpɛɛ hvo mą yai tii haɠa mį?

Gɛlaɠaa 10:13

Woo ta ə tɔɔ, yɛ Piɛrə ɓa: «'Ə́ muhəɠə, 'ə́ da paa ə́ mįi!»

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 22:8

Ŋą́ mąnįn gɛ, gɛ ma: ‹Ŋą́ mɛ̨nį Nąmu, gbɛɛ ɓaa yɛ?› Nwooi ti ə pənə yɛ mą́ą́: ‹Ɲą́ą́ Jesus Nazarɛtə mun ga ti, ə́ kaa mɔ̨nɔ̨ɓoi.›

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.