Gɛlaɠaa 1:9 - Yálá laawoo hɛɓɛ (dc)

⁹ Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Yálá laawoo hɛɓɛ

⁹ Jesus kpɛɛ kɛa a nwooɠaa ti ɓoɔ diɛ, ə muhəɠə yɛ tɛ yələkɔlɔn ɉu, di ɲɛ̨i ə lɛɛ mą tulɔ kpinįn ə noo diɛ.

Bible

⁹ Gɛ́ɛ a nyíŋi ƃói, dí lɛ̀ɛ gâai e tɛ ŋ̀elei su ŋ̀ele-kɔlɔŋ kolei è gula díŋɛi.

Gɛlaɠaa 1:9 ပူးပေါင်းရင်းမြစ်များ

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Lɛɛ gbɔwɔ ɓa 19:9

Yai-Laa yɛ Moisə ɓa: «Gáá pai ŋį́ həli kpɔ yɛ́ tulɔ kpinįn ɉuwia hu, nɔi lonnii diɛ pɛli nwóó mɛ̨n ɉii, ɓɛlɔwai gáá pai kɛi pələ ɓoi la yɛ́, diɛ pɛli laai ə́ la a yələ kəlee.» Moisə ə nɔi lonnii woo laa həli Yai-Laa ɓa.

Lɛɛ gbɔwɔ ɓa 34:5

Yai-Laa ə yɛɛ tulɔ kpinįn ɉu, ə tɔɔ laa, Moisə, ə dəli a naa yɛ mą: «Yai-Laa.»

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Lukə 21:27

Yili pulu ɓa ɓə, da Nu Lon kaa la, ɉeɛ tulɔ kpiliɠilin mɛ̨i yɛ pa a huwalawala da mąąwiɛ kɛnɛ̨ɛ.

Ɉaan 6:62

Akɛti, yələi ka Nu Lon kaa la, yɛ tɛ yələi ɓɛi ə həɠə laa, kaa gɛ ləi?

Gɛlaɠaa 1:11

di mo galan nɛa ti diɛ, diɛ kɛ diɛ: «Galile nuą, lə mɛ̨nį ɓa ka káá lɔ ɓɛ, ka ɲɛ̨i heɛ ɲələ kpala? Jesus ŋɛ̨i ka ɲɛ̨i ə lɛɛ mą ə tɛ yələkɔlɔn ɉu, bələi lɔ ti ə tɛ la, bələ lɔ ɓə gaa pai pai la.»

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Tɛsalonikə dɔlɔɔ 4:17

yili pulu, guɔi gwa lɛɛ a gu hvulú, gwa diɛni gwa gu nuhəɠə, gu tɛ túlɔ́ kpinįnŋaa mɛ̨i, gu Nąmu laakwiɛn ɉii, hvaŋą hu, yili pulu gwa lɛɛ laa kɛa gu Nąmu kwɛlɛ a yələ kəlee.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

M̀ɛni-lɛɛi 11:12

Da woo kɛnɛ̨ ta mɛ̨n yɛ həɠə yələi, yɛ kɛ mą: «'Ká tɛ ɓɛ!» Ɛlɛɛ, diɛ tɛ yələi pələ tulɔ kpinįn ɉu, di yowoɠaa ɲɛ̨i ɓa.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,