Gɛlaɠaa 1:7 - Yálá laawoo hɛɓɛ (dc)

⁷ Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Yálá laawoo hɛɓɛ

⁷ Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Bible

⁷ È mò dîa, ǹyɛɛi, “Ǹaŋ-nuui m̀ɛnii ŋí maa wála-wala káa ǹyêei.

Gɛlaɠaa 1:7 ပူးပေါင်းရင်းမြစ်များ

Zôo 24:1

Lə mɛ̨nį ɓa, Huwalawala Kəlee Nąmu hvo kɛ hvóló taɠaa lɛɛ li ɲee pulu, yɛ nwɔ mɛ̨nįɠaa kiti tee la; ɛlɛɛ, nwɛlikɛmąą nuą di kɛ a volóɠaa ti kɔ́lɔn ŋąą?

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Maafîu 20:23

Diɛ mą: «Kwa pɛli ku mįi!» Jesus yɛ diɛ: «Yii ɓaa mɔ̨nɔ̨ nwɛi, ka káá pai miii, kɛlaa, yii ɓaa nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvei yili kaa ná. Nuąi Ną́n Yálá ə gɛɛnąąɠaa tii pɛli a di wɔɔ, diɛ ɓə nąą kaa a di wɔɔ.»

Maafîu 24:36

«Kɛlaa yaamun, nu ta lɔpee hvo ɲąąkpɛɛi lɔwai kɔ́lɔn, ə mą kɛ mąlakaɠaa, ə mą kɛ Non; hvo kɛ li Nąn yaa tɔ̨nɔ̨ gbən.

Markə 10:40

Kɛlaa, yii ɓaa a nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvəə yili kaa ná. Nuąi Ną́n ə́ gɛɛnąąɠaa tii pɛli di di laa ɓa, diɛ ɓə nąą kaa a di wɔ.»

Markə 13:32

«Nui lɔpee ta hvo ɲələ kɔ́lɔn, ə mą kɛ nąąlɔwai; malakaɠaai di kaa yələi, ə mą kpɛli kɛ Nu Lon, hvo kɛli Ną́n Yálá yaa tɔ̨nɔ̨ gbən.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Gɛlaɠaa 17:26

Ə nu huwu kəlee kulɔ nu tɔ̨nɔ̨ hu, diɛ hee lɔi mɛ̨i nąą kəlee. Ə nuąi ti di wɔ yɛnɛ̨ɛ̨ ɲɛ̨nnaa, ə di heeiɠaa ɲɛ̨nnaa.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Timote veelɛ 3:1

Ə́ kili ə pu kani ɉu, yɛ́ kɛ: yɛnɛ̨ɛ̨ ɲąąkpɛɛ yələɠaa da pa kɛi lɛɠɛi, mɛ̨nį ɲąąnwąnąą ŋą yələɠaa kaa pai ɉəlii.