Gɛlaɠaa 1:6 - Yálá laawoo hɛɓɛ (dc)

⁶ Galan nɛa ɲąąkpɔn ŋąąi kɛ gwɛlɛ, di mąąni kɛ diɛ mą: «Ną́mu! Akɛti, nąąlɔwai ɓə ə́ kaa pai Israɛlə nwɔ tɔɔlaai heei la?»

Yálá laawoo hɛɓɛ

⁶ Galan nɛa ɲąąkpɔn ŋąąi kɛ gwɛlɛ, di mąąni kɛ diɛ mą: «Ną́mu! Akɛti, nąąlɔwai ɓə ə́ kaa pai Israɛlə nwɔ tɔɔlaai heei la?»

Bible

⁶ Zîsɛ da ŋɔpôlu-ƃelai kɛ́ɛ da dia ni da díŋaa tɛ́ gîe mai, dí m̀arê kɛ̀, dîyɛɛ m̀ai, “Kúnuu-namui, ya pâi Eezuɛ-ŋai díkâloŋ laai tɛɛ̂i dípɔ pôlu tãi ŋí su?”

Gɛlaɠaa 1:6 ပူးပေါင်းရင်းမြစ်များ

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Azaya 1:26

Ə́ wɔ kiti tee nuąi, ŋį́ di kɛ yɛ bələi wɔlɔ di kɛ la, a di haŋąą, nuąi da tɔɔ ə́ ɲɛ̨i tɔ́wɔ́, ŋį́ di kɛ yɛ bələi wɔlɔ di kɛ la, nąąlɔwai, da ə́ laa hee kɛa, diɛ mą «tələnmo taa» da «taa haŋąą.»

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 17:11

Jesus ə di woo ŋąąpənə yɛ diɛ: «Tɛ̨ą li, Eli a gbɛa pa, ə mɛ̨nįɠaa kəlee hee pələ pɛli.

Maafîu 20:21

Jesus yɛ mą: «Lə ɓə ə́ kaa bɔ?» Nɛ̨ɛ̨nui tii yɛ mą: «Gáá bɔ ə́ ə́ woo kwɛlɛ mą́ą́ nónnii hinąą hveelɛi ŋɛ̨i mąą mɛ̨nį ɓa; ɓɛlɔwai ə́ kaa pai kɛi la ə́ wɔ tɔɔlaai hu, dɔ̨nɔ̨ ə hee ə ɓa-mįi-yee mɛ̨i, dɔ̨nɔ̨ ə hee ə́ kɔ́ɓɛyee mɛ̨i.»

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Markə 9:12

Ə di woo pulu pənə, yɛ diɛ: «Mąąnɛ̨ɛ̨ kpɔ Eli ə gbɛa pa, ə mɛ̨nįɠaa kəlee hee gbanɲą. Kɛlaa, lə mɛ̨nį ɓa, Yálá laawoo hɛɓɛ́ ə mo nwɔ̨nɔ̨, yɛ diɛ: ‹Nu Lon kaa pai mɔ̨nɔ̨ mį́i, nwɛli ə kpɛɛ nuą diɛ?›

Lukə 17:20

Farisiɛ̨ɠaa di Jesus mąąni kɛ, diɛ mą: mįnɛ̨ lɔwai ɓə Yálá-taa tɔɔlaa kaa pai la? Jesus ə di woo pulu pənə yɛ diɛ: «Yálá nwɔ tɔɔlaai hvo pai pai ŋɛ̨i nuą di hvo gaa.

Lukə 19:11

Nuą ŋɛ̨i Jesus woo mɛ̨n, ə hanwon ɉɔɔ diɛ yɛ diɛ pələi mąą kpua kɛ la Ɉerusalɛmə taa ɓa, nuą di kɛi di kiliŋąhiɛ diɛ kɛ diɛ: Yálá-taa tɔɔlaa kaa pai kulɔi kpɔlɔ tii ŋąąɓa di gaa.

Lukə 22:29

Bələi tii Nąn ə tɔɔlaa tɛɛ la bɔ́, bələ lɔ ɓə gáá dɛɛi la ka pɔ.

Ɉaan 21:21

Ɓɛlɔwai Piɛrə ə gaa la, yɛ Jesus ɓa: «Nui ŋɛ̨i yaan, lə mɛ̨nį ɓə pai kɛi la?»