Gɛlaɠaa 1:14 - Yálá laawoo hɛɓɛ (dc)

¹⁴ Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Yálá laawoo hɛɓɛ

¹⁴ Di kəlee di woo tɔɔi ə kɛ tanɔ̨n, diɛ di ŋąąkpɔn, diɛ Yálá hvɛli da nɛ̨ą taɠaa, ə lɛɛ, da Jesus nee Mari, ə mą kɛ Jesus gaayɔwɔɠaa.

Bible

¹⁴ Ǹûai ŋí kélee díkɛ̀ zu tɔnɔɔ dí díkpîŋ pu Ɣâla fɛliɛ su, da nɛyâai, Zîsɛ ǹee Mere da ǹêɣe-sinaâi.

Gɛlaɠaa 1:14 ပူးပေါင်းရင်းမြစ်များ

Maafîu 12:46

Ɓɛlɔwai Jesus ə kɛ mɛ̨nįɠaa tii ɓo la, nee da gaayɔwɔɠaa di kɛ tɔɔni ɲɛnɛ̨ɛ̨, diɛ gwɛli.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Maafîu 27:55

Nɛ̨ąą tamąą di kɛ laa di tɔɔ kwɛaala di ɲɛ̨i hiɛ Jesus ɓa. Nɛ̨ąą tii ɓə kɛ Jesus pɔ diɛ kpɔnmąątɛɛ bɔ, da diɛni kəlee ɓə həɠə Galile lɔi hu.

Markə 15:40

Nɛ̨áá taɠaa di kɛ tɔɔ ni kwɛa la, diɛ nąą kaa. Nɛ̨ąąɠaa tii lɔwai, Mari Magdala mun da Mari ŋɛ̨i kɛ a Ɉakə logolo da Ɉose, əlɛɛ, da Salome ni di lee di kɛ di pɔ.

Markə 16:1

Hvįįtɔɔ yələ tɛɛ pulu, Mari Magdala mun, da Ɉakə ə lɛɛ Salome di lee Mari di wulɔ kun-nɛɛ ya diɛ li bui Jesus powa ɓa gámą hu.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Lukə 23:49

Jesus mɛlaa, ə mą kɛ nɛ̨ą ŋɛ̨i kɛ bulu diɛ həɠə Galile lɔi hu, di kɛ tɔɔ ni kwɛala diɛ mɛ̨nįɠaa tii kəlee kaa.

Lukə 23:55

Nɛa ŋɛ̨i kɛ Jesus pulu da diɛni diɛ həɠə Galile lɔi hu, nɛ̨ą tii da Ɉosɛfə ni ɓə li, ɓɛi di Jesus laa laa gámąi, di nąą kaa.

Lukə 24:10

Nɛa tii ɓa kɛ a: Mari Magdala mun, Ɉanə, da Ɉakə nee Mari. Nɛa yiiɠaa tii kɛ di pɔ di mɛ̨nįi tii hukulɔ Jesus nwɔ kɛlaɠaa diɛ.

Lukə 24:33

Di di muhəɠə kpɔlɔ tii ŋąąɓa diɛ pa Ɉerusalɛmə. Di galan nɛa pow kɔ́w hveelɛ tii kaa da di ɓɛlaani di ŋąąkpɔn ŋąą.

Lukə 24:53

Hvóló kəlee di kɛi li Yálá hee pɛlɛ́ mu, diɛ Yálá mąąwiɛ.

Lukə 8:20

Nu ta ə mo Jesus ɓa yɛ mą: «Ə́ lee da ə́ lee lonnii di kaa tɔɔni ɲɛnɛ̨ɛ̨, diɛ di mɛ̨nį ɓo yɛ.»

Gɛlaɠaa 2:1

Pantəkotə hɛli həliɛ, galan nɛai ti kəlee ɲąąkpɔn ŋąą i kɛ kɛɛnąą tɔ̨nɔ̨ ɓa.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Korɛntə dɔlɔɔ 14:13

Yili ɓa, nui bələ ɓoi hį́iwooɠaa hu, mąąnɛ̨ɛ̨ ə Yálá hvɛli, ə gɛ, ə pɛli nwooɠaa tii laa tɛɛi a yɛlɛ.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.