Gɛlaɠaa 1:13 - Yálá laawoo hɛɓɛ (dc)

¹³ Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Yálá laawoo hɛɓɛ

¹³ Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Bible

¹³ Dítɛɛ daai sui, bɛ́rɛi dí lɔ̀ mui, dí tɛ̀ ŋ̀elei-pere loŋpoi su. Nàa ƃe dí kɛ̀ naa. Diai kɛ̀ naai dia ƃa, Pitɛ, Zɔ̂ŋ, Zĩi, Aŋdulu, Fele, Tama, Batâlomio, Maafîu, Afîa ǹóŋ Zĩi, Zɛɛla-nuui Samaŋ da Zĩi ǹóŋ Zudasi.

Gɛlaɠaa 1:13 ပူးပေါင်းရင်းမြစ်များ

Maafîu 9:9

Jesus həɠɛɛ laa yɛ li, gɛɛ tɛɛi, ə hulɔnu ta kaa heeni nįįhɔ̨nwɔ̨ kulɔ taɓali ɓa. Naa ɓa kɛ a Matie. Ə mo mą, yɛ mą: «'Hvilɛn búlú!» Yili ə muhəɠə, ə hvilɛn bulu.

Markə 14:15

Gaa pai yələ pɛlɛ ta lɛi kaa, mu pɛliɛ, nąą ɓə ka káá lii guɔ hɛli kɔ̨nɔ̨n pɛli laa.»

Markə 14:33

Yili pulu, ə Piɛrə, Ɉakə da Ɉaan di təli, yɛ diɛ: «'Ka pa gwə li. Di liɛɛ kɛa, ɉaa laanɔ̨nwɔ̨ nwɔ liihɛlɛn ə too mą.»

Markə 2:14

Gɛɛ kɛa tɛɛi, ə Alfe lon ɉulɔnu Levi kaa heeni yɛ nįįhɔ̨nwɔ̨ hon. Jesus yɛ mą: «'Hvilɛn búlú.» Levi ə muhəɠə ə hvilɛn bulu.

Markə 5:37

Jesus hvo hvaa mą nui lɔpee ta hvo hvilɛn bulu, hvo kɛli Piɛrə, Ɉakə da nəɠə Ɉaan.

Markə 9:2

Hvoló mɛ̨ida tɛɛ pulu, Jesus ə Piɛrə, Ɉakə da Ɉaan di təli, da diɛni di tɛ yee kwɛa ta tonna di tɔ̨nɔ̨ kɛɛnąą. Jesus ɲɛ̨ilaa mąą ə hvalin di ɲɛ̨i ɓa.

Lukə 22:12

Yaa kpinįi, gaa pai yələi pɛlɛ́ ta lɛi kaa, mu ponoɔ̨, 'ka bɛli laa.»

Ɉaan 11:16

Tomasə, naa ta lɔ ɓaa kɛ a Yonwąąmun, yɛ mɛlaa diɛ: «Ka gwə li gwa kalamɔ̨ɔ̨ ni, guɔ kpɛli ka gu haa.»

Ɉaan 14:22

Ɉudə, (kɛlaa, yii ŋɛ̨i kɛ a Iskariɔtə mun yili hvəə,) ə mo Jesus ɓa yɛ mą: «Ną́mu, ya gɛ pələ kɛ ləi, yɛ kulɔ kuɔ ponoŋą, kuɔ ə́ kaa, yɛnɛ̨ɛ̨ nuą di hva ə́ kaa?»

Ɉaan 18:17

Nɛ̨ɛ̨nui tii yɛ Piɛrə ɓa: «Yɛ́ kpɛli, kɛlɛi ə́ kaa yɛ ɉulɔnui ŋɛ̨i nwɔ kalan non ta?» Piɛrə yɛ mą: «Da hvaa ɲą́ą́.»

Ɉaan 21:2

Simɔn Piɛrə, Tomasə yai da kɛ mą: Didimə, Natanaɛlə yai həɠə Kana Galile lɔi hu, Zebede lon ɉinąą hveelɛi da kalan nɛa hveelɛ di kɛ di kee pɔ.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Gɛlaɠaa 15:13

Yii kɛa di kpɛɛ a di woo hukulaa, nąąlɔwai Ɉakə yɛ diɛ: «Ną́n nonnii! 'Ka ká wəli tɔɔ mą́ą́!

Gɛlaɠaa 2:14

Piɛrə ə muhəɠə ə tɔɔ da mɛlaa pow kɔ́w tanɔ̨n ti, ə mo kpɔ a nwoo kɛnɛ̨ yɛ diɛ: «Káái ɓaa Ɉuifəɠaa, da nuąi di kaa ɓɛ Ɉerusalɛmə, ka ka wəli tɔɔ nwóó ɓa a nɛlɛɛ.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 20:8

Ɲələ pɛlɛ́i ti ku ɲąąkpɔnŋąąi kɛ mu, labon damąą di kɛ laa.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Korɛntə dɔlɔɔ 15:7

Yili pulu, ə ə gbɔwɔ lɛ Ɉakə ɓa, da gɛlaɠaa kəlee.

Galatə 1:19

Və́ kpɛli gɛlaɠaa yiiɠaa ti tanɔ̨n gbɛli kaa, ə kulɔ lɔ, Ɉakə gu Nąmu kaayɔwɔ.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Zɔ̂ŋ Veerɛi 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Bɛlɛ́-lee-nɛ̨ą tii di ɉəɠə ɉu mą, da nonnii, a yai nwɛli kaa mą́ą́ tɛ̨ą kɛɛ pono hu, ɲą́ą́ danɔ̨n nɔ hvəə, nwɛli kaa mą́ą́, kɛlaa yiiɠaai kpɔ tɛ̨ą kɔlɔnŋąą kaa di yəi diɛ kpɛlimąn;

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.