Galatə 6:9 - Yálá laawoo hɛɓɛ (dc)

⁹ 'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Yálá laawoo hɛɓɛ

⁹ 'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Bible

⁹ Kúfii fe kpɛ̀ɛ a mɛni lɛ́lɛɛ kɛ́ɛ, kpɛ́ni fêi, tãi a pâi, kwa pâi sɛŋ da kulâi zu, à kɛ̀ kúfe kpera ni.

Galatə 6:9 ပူးပေါင်းရင်းမြစ်များ

Zɛnɛse 29:7

Ɉakɔbə yɛ diɛ: «Hvóló kɛnɛ̨i ni, taatɛlɛɛ lɔi lɔwai hvəi, ka ya tɛɛ di pɔ, di di kpələ, ka pənə ka li a diɛ, di kala mį́i.»

Mąątɛ̨nɛ̨ 104:27

Ɉuwɔɠaa tii kəlee, di kilitɔɔi yɛ́, yɛ́ kɔ̨nɔ̨n dɛɛ di pɔ, a ɲələɠaa.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Mąątɛ̨nɛ̨ 145:15

Di kəlee di ɲɛ̨i kpɔnŋąąi lɔ yɛ́, di kilitɔɔ yɛ́, yáán, yá di kɔ̨nɔ̨n dɛɛ di pɔ a ɲələ.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Ikilisiati 11:1

Ə́ kɔ̨nɔ̨n gulɔ ə́ la, ə́ bili yɛa, ə́ hee, yələ ta, ɉu a kɛnɛ̨ yɛ pa ə́ pɔ.

Ɉeremi 45:3

Máá aa wɛli, mɔ̨nɔ̨ɠaa daa laa mą́ą́, Yai-Laa kaa da laai mɛ̨i! Vį́į́ aa kpɛɛ, ŋą́ą́ wɔlɔ, ŋą́ą́ ɲiŋɛ; və́ hvįįtɔɔ hɔlɔɓoi.»

Levetekɔ 26:4

gáá pai kɛi tulɔ pui ka mɛ̨i a bui lɔwai; lɔi yɛ lɛlɛ, hihɛnŋąą diɛ ɓá.

Sofoni 3:16

Mąą yələi tii, di kaa pai kɛi Ɉerusalɛmə ɓa: 'Hvó ɲɔw, Siɔn! Ə́ yeekɔ̨nwɔ̨n ɉu hvo haa.

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.

Maafîu 9:19

Jesus ə muhəɠə ə hvilɛn bulu da nwɔ kalan nɛai.

Markə 3:3

Ɉulɔnu tii kɛ ɲee kpalaa ma Jesus ə mo mą, yɛ mą: «Ə muhəɠə ə́ tɔɔ ɓɛi ŋɛ̨i, nu kəlee ɲɛ̨i ɓa.»

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Korɛntə veelɛ 9:6

Ká kili ə pu ɉu káá: Nu a ɉin tiikpə, dɔlɔ tiikpə lɔ ɓə a ɉɔlɔɓo, ɛlɛɛ, nui a ɉin gɛnɛ̨, dɔlɔ kɛnɛ̨ lɔ ɓə a ɉɔlɔɓo.

Ifisiɛŋ 3:13

Yili mąą mɛ̨nį ɓə gɛi, gáá ɉuhvɛlii káá, gɛ́: 'Ka hvįi hvo kpɛɛ mɔ̨nɔ̨ɠaai gáá mįi ká pulu di mąą mɛ̨nį ɓa; yaamun gaa a ká ɲɛ̨i pono mɛ̨nį.

Dutɛrɔnome 11:14

tulɔi mąąnɛ̨ɛ̨ ə pu ka wɔ lɔi ɓa, ŋą́ bu a bui lɔwai. Ka káá pai kɛi ka wɔ mɔ̨nun ɉɔlɔɓoi, da nɔɔ nįnɛ̨, ə mą kɛ, ka wɔ wulɔi.

Tɛsalonikə veelɛ 3:13

Yii ɓaa ká wɛi ną́n nonnii, ká hvįi hvo kpɛɛ mɛ̨nį lɛlɛɛ kɛi.

Hebreu 12:3

A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.

Hebreu 12:5

ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Zĩi 5:7

Ną́n nonnii, ká ká liikpələ, ə lɛɛ la ɉu, gu Ną́mu pai lɔwai ə ɉəli. 'Ká ká ɲɛ̨i hee tai tíi kɛmun ma, a niikpələ, ə hee, yɛ lɔi dɔlɔ mąąkpɔn, a má dɔlɔɔ kulɔ, gili hva həɠə laa, ə lɛɛ ɉu, yɛ nɛɛ bulu mąąkpɔn.

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Piɛrə dɔlɔɔ 3:17

Mąąhɔlɔɓo, akɛ Yálá liiɓa ɓaa, nu ə mɛ̨nį lɛlɛɛ mąą mɔ̨nɔ̨ mįi, yili viɛlaɓoɔi ə tɛɛ mɛ̨nį ɲɔ̨n gɛɛ ɓa.

Piɛrə dɔlɔɔ 4:19

Yili ɓa, nuąi di kaa mɔ̨nɔ̨ mįi yɛ bələi Yálá liiɓa kaa la, mąąnɛ̨ɛ̨ di di nįį kalihvaɓo hɛn gəlee pɛlimun, a kulɔ nwoo ɓa, mą, a mɛ̨nį lɛlɛɛ kɛɛ.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»